domingo, 31 de octubre de 2010

Ordes acollerá un ano máis a homenaxe ao Soldado Lois

Os actos que organiza o Concello en colaboración coa Infantería de Marina do Tercio Norte do Arsenal de Ferrol, terán lugar mañá 1 de novembro

O Concello de Ordes, en colaboración coa Infantería de Marina do Tercio Norte do Arsenal de Ferrol organiza, un ano máis, os actos de homenaxe ao Cabaleiro Laureado D. Manuel Lois García, Soldado Lois, que terán lugar mañá dia 1 de novembro.


Os actos darán comenzo a partir das 11:00 horas cunha Misa no antigo cemiterio de Ordes, para continuar coa tradicional ofrenda floral ante a tumba do Soldado Lois.

Ademais, a partir das 12:00 horas, a Banda de Música da Infantería de Marina do Tercio Norte ofrecerá un concerto e despois celebrarase unha comida de confraternidade.

*

Manuel Fraga da o 'visto bó' á candidatura de Martínez Sanjurjo á alcaldía de Ordes


O senador animou ao candidato ordense a "redobrar esforzos" de cara a acadar unha maioría absoluta que garanta a "gobernabilidade municipal" en Ordes

Os candidatos do Partido Popular ás alcaldías de Ordes, Oroso e Mesía mantiveron esta semana unha reunión co ex Presidente da Xunta de Galicia e actual senador, Manuel Fraga Iribarne, na que este os animou a redobrar esforzos para lograr a maioría absoluta nestes territorios, co obxectivo de garantir a gobernabilidade municipal e mellorar a xestión ofrecida aos veciños.

No encontro tomaron parte o candidato do PPdeG á alcaldía de Ordes, José Luis Martínez Sanjurjo; a presidenta local, portavoz municipal e candidata do PPdeG á alcaldía de Oroso, María José Mira; e o candidato do PPdeG á alcaldía de Mesía, Severino Álvarez Monteserín. Asistiu, ademais, un nutrido grupo de dirixentes e militantes do PPdeG destes tres concellos.

"Posibilidades reais de éxito eleitoral"
Tanto Manuel Fraga como os candidatos, coincidiron en valorar as posibilidades reais de éxito eleitoral do PPdeG nos vindeiros comicios municipais. Do mesmo xeito, reiterouse a necesidade de desenvolver un traballo constante para ilusionar á maioría dos electores, partindo de plantexamentos baseados na seriedade, o rigor e a oferta dun programa electoral crible, coherente e acaído ás necesidades dos habitantes de cada un dos concellos.

Foto: De esquerda a dereita, María José Mira, candidata en Oroso; Manuel Fraga Iribarne; Severino Álvarez Monteserín, candidato en Mesía; e José Luis Martínez Sanjurjo, candidato en Ordes.
*

Voluntariado Verde convídanos a percorrer con eles os roteiros de Ordes

Terán lugar os sábados de novembro en horario de mañá

O Concello de Ordes, dende o programa de Voluntariado Verde organiza para este outono un ciclo de camiñatas polos distintos roteiros da vila que os seus voluntarios estiveron sinalizando e acondicionando este verán. Os percorridos levaranse a cabo tódolos sábados de novembro en horario de mañá.
Todos aquelas persoas interesadas en participar poden facelo de forma totalmente gratuíta chamando ó número de teléfono do concello 981 680002, no Departamento de Medio Ambiente.

A frase de Xesús Pedreira, concelleiro de Medio Ambiente de Ordes
"O noso Concello conta cun número crecente de roteiros e sendas adaptadas e habilitadas para a práctica de sendeirismo na natureza para tódalas franxas de idade. Contando con estes recursos, resulta de grande interese fomentar uns hábitos de vida máis dinámicos coidando ó mesmo tempo destas rutas por medio do emprego constante"

*

A comisión para a violencia de xénero xa comezou a traballar

Participan representantes do Concello, Corpos e Forzas de Seguridade, xulgados, centro de saúde, CIM,  servizos sociais e Subdelegación do Goberno

O Concello de Ordes, en colaboración coa Secretaría Xeral de Igualdade da Xunta de Galicia, pon en marcha novos mecanismos para consolidar o Protocolo de Actuación para a Atención Integral a Vítimas de Violencia de Xénero, elaborado no ano 2008 entre diferentes organismos.

Así, esta semana celebrábase unha reunión na Casa do Concello de Ordes, na que estiveron presentes o alcalde, Manuel Regos, o concelleiro de Servizos Sociais e Terceira Idade, José Manuel Tobío, e representantes de diferentes institucións implicadas no protocolo como corpos e forzas de seguridade, xulgados, centro de saúde, servizos sociais, o Centro de Información á Muller do Concello de Ordes e a Subdelegación do Goberno. Unha reunión na que se tratou o tema específico da atención ás mulleres inmigrantes vítimas de violencia de xénero e a trata de persoas con fins de explotación sexual, así como se acordou a creación dunha comisión para a violencia de xénero.

Esta comisión, que se reunirá de maneira trimestral, constará ademais de diferentes grupos de traballo que estarán compostos por representantes dos diferentes organismos dependendo da temática a tratar en cada momento.

Xornada formativa no centro comarcal
Por outra banda, e como complemento e reforzo a esta actividade e ao protocolo, o pasado venres  celebrouse no Centro Comarcal de Ordes unha xornada formativa que estivo dirixida ao personal das institucións implicadas, co fin de que coñeceran todas as novidades e información acerca desta problemática, centrándose sobre todo, nas mulleres inmigrantes vítimas de violencia de xénero e a trata de persoas con fins de explotación sexual.

Outra das actuacións que completarán este conxunto de iniciativas, será a elaboración de dípticos, dirixidos especialmente a mulleres inmigrantes vítimas de violencia de xénero. Uns dípticos que se editarán en varios idiomas, castelán, inglés, francés e árabe, e nos que se recollerán diferentes cuestións como o que é a violencia de xénero, tipos de maltrato, a onde se pode acudir no caso de ser unha vítima, dereitos e axudas das que se dispón como vítima e outras cuestións de especial interese para estas mulleres.

A frase de Xosé Manuel Tobío, concelleiro de Servizos Sociais e Terceira Idade de Ordes
“Esperamos que o esforzo compartido dos organismos públicos na loita contra a violencia de xénero e a atención ás vítimas contribúa, na medida do posible, a diminuir esta lacra social”

Foto: Reunión da comisión para a violencia de xénero do Concello de Ordes esta semana na Casa do Concello.

*

sábado, 30 de octubre de 2010

Ardemil acolle este sábado a celebración da I Festa da Esfolla

Os asistentes poderán participar na esfolla do maínzo a partir das 11 da mañá, e disfrutar de música, actuacións especiais e degustación gratuíta de callos e churrasco durante o xantar

A parroquia de Ardemil será a encargada de poñer este sábado o tinte festivo ao municipio. Así, a xornada acollerá a celebración da I Festa da Esfolla, organizada por un grupo de veciños.

A partir da mañá darase o pistoletazo de saída ás actividades programadas con motivo desta festa. Unhas actividades que terán lugar nunha nave ubicada no lugar da Cruz, (enfrente ao Bar Porto, aproximadamente a 2 km. da N-550), onde a partir das 11 horas terá lugar a esfolla do maínzo, actividade tan tradicional e habitual no agro galego, e na que, tal e como explicaron dende a organización, poderá participar todo aquel que visite a festa e estea interesado.

Pero non só haberá traballo nesta festa, e a partir das 14:00 horas a música será a protagonista coa celebración da sesión vermú que correrá a cargo da orquestra Estrella Mar, agrupación que será tamén a que porá a nota musical na verbena nocturna. Como boa festa que se precie tampouco faltará a boa gastronomía, e á hora do xantar haberá callos e churrasco gratuítos para todo aquel que queira.

Dende a organización, animan tanto a veciños como a visitantes do municipio a que se acheguen este sábado a Ardemil para disfrutar dunha xornada adicada á tradición, podendo disfrutar ademais da boa música e a gastronomía.

*

miércoles, 27 de octubre de 2010

Éxito dunha nova edición das Xornadas Micolóxicas


Foron organizadas pola Asociación Cultural Tarandeira

Pedreira: “O coñecemento micolóxico contribúe directamente a que se mellore a xestión dos nosos montes"

O Concello de Ordes colaborou un ano máis nas Xornadas Micolóxicas, celebradas a pasada fin de semana, e que estiveron organizadas pola Asociación Cultural Tarandeira. Estas xornadas, que celebraron a súa séptima edición, constaron como ven sendo habitual, dun gran compoñente práctico e dinámico, nas que ademais da base teórica, realizáronse prácticas de recoñecemento de especies no transcurso das saídas ao monte. Este ano a charla introductoria á micoloxía correu a cargo do biólogo Martín Souto.

O principal obxectivo desta proposta é ensinar aos participantes cales son as principais especies de cogumelos que medran no monte e conciencialos da importancia do aproveitamento sostible da productividade micolóxica.

A frase de Xesús Pedreira, concelleiro de Medio Rural e Medio Ambiente de Ordes
“O coñecemento micolóxico contribúe directamente a que se mellore a xestión dos nosos montes, xa que o propietario afeccionado e concienciado procura a realización das correctas técnicas silvícolas (podas, rozas do mato e limpeza do soutobosque, plantación de árbores micorrizados,...) para desfrutar deste recurso".

*

A Escola de Mercurín acollerá o venres unha reunión cos propietarios da parcelaria Mercurín- Lesta II

Nela darase información sobre o proxecto das novas fincas de reemprazo e entregaranse as fichas de atribucións de cada propietario

A Escola de Mercurín acollerá o próximo venres 29 de outubro a partir das 10:00 horas unha reunión convocada pola Xefatura Territorial da Consellería do Medio Rural dirixida aos propietarios da zona de concentración parcelaria de Mercurín- Lesta II.

O obxectivo da reunión é informar aos propietarios sobre o proxecto das novas fincas de reemprazo e ademais, procederase á entrega das fichas de atribucións de cada propietario. Tras esta reunión, está previsto que os planos da concentración parcelaria estean expostos na Escola de Mercurín e no centro social de Lesta.

Xa o pasado luns o Concello de Ordes acolleu a celebración do pleno da Xunta local desta concentración parcelaria, no que se tratou o informe do proxecto de camiños e o informe do proxecto da concentración.

Esta concentración parcelaria conta con preto de 800 propietarios.

O pleno da por zanxada a polémica da escola infantil ao non existir nin unha soa queixa formal

Silvia Marín remite a situación a rencillas persoais do cociñeiro coa empresa

O Concello solicitará á Xunt que non suspenda o servizo do Noitebús

O pleno do Concello de Ordes reuniuse na mañá de onte para celebrar a sesión ordinaria do mes de outubro. Un debate no que, entre outras cuestións, tratouse e deuse por zanxado o tema do servizo de comedor na escola infantil municipal.

A concelleira de Educación, Mocidade e Discapacidade, Silvia Marín, ante unha moción do BNG e preguntas do PP quixo aclarar diferentes cuestións ante as acusacións aparecidas estes días nos medios de comunicación relativas a un mal servizo no comedor do centro, e que asegurou só responden a que se queira sacar algún tipo de rendemento político ao respecto, “en política non debe valer todo e este tema está por riba de todo isto dada a importancia que ten”.

Pola súa banda, o portavoz nacionalista Gonzalo Castro criticou “que o alcalde e o PP apoiasen a privatización dun servizo público esencial, como é a escola infantil, co argumento de que as arcas municipais non podían asumir o seu custo de 90.000 euros anuais, mentres se está destragando millóns de euros de diñeiro público en obras faraónicas e non prioritarias”.

Así, a edila ordense quixo deixar claras unha serie de cuestións e insistiu en que se trata de rencillas persoais do cociñeiro coa empresa ao negarse este a facer unha serie de funcións que tiña que levar a cabo por convenio, cuestión polo que a empresa prescindiu do seu servizo.

O rexistro do Concello non recibiu nin unha soa queixa
Marín quixo ademais deixar claro que no Concello non existe ningunha queixa do actual servizo de comedor, e incluso leu un escrito da representante dos pais e nais da Escola Infantil no que esta asegura non ter recibido tampouco ningunha queixa, queixas das que tampouco hai coñecemento por parte da empresa concesionaria do servizo.

Por outra banda insistiu en que os menús que se proporcionan no comedor do centro seguen a estar avalados polos “menús saudables” da Xunta de Galicia e supervisados ademais por unha nutricionista.

Aclarou ademais a concelleira que foi a propia empresa concesionaria do servizo a que, ó día seguinte de aparecer esta problemática nos medios de comunicación, solicitou voluntariamente a realización dunha auditoría da escola á Consellería de Sanidade co fin de aclarar e dar tranquilidade ás familias ao respecto deste tema. Unha tranquilidade que ademais xa lle foi transmitida onte ás familias nunha reunión convocada pola concelleira, á que acudiron 58 familias, e na que tampouco se recibiu ningunha queixa en relación a este servizo.

Finalmente Silvia Marín insistiu en que aínda que hai unha concesión a unha empresa, a titularidade da escola segue sendo municipal, e “a nosa función é velar polo bo funcionamento da mesma e polos intereses dos nenos e nenas e as súas familias, función que estamos e seguiremos a desempeñar”.

POS 2011
Por outra banda o pleno ordense tamén aprobou as obras a incluir no POS 2011 que consistirán no saneamento e abastecemento da rúa da Canteira, a 1ª fase de saneamento e abastecemento da Rúa Laranxal e Rúa do Piñeiro e a 1ª fase das beirarrúas no Casal.

Ante este punto o BNG presentou unha enmenda solicitando que se substituísen esas obras polas de ampliación da Rolda Leste ata Cano de Leira. Unha cuestión que non foi aprobada polo grupo de goberno, e que motivou as criticas dos nacionalistas que consideraban esta obra fundamental “para evitar o caos circulatorio e a inseguridade vial que se xenerará no Polígono”, segundo manifestou o concelleiro do BNG Ramiro Recouso.

O pleno do Concello de Ordes tamén aprobou esta mañá a modificación das ordenanzas fiscais reguladoras correspondentes ao Imposto de Bens Inmobles, o Imposto de Actividades Económicas, o Imposto sobre vehículos de tracción mecánica, o Imposto de Construccións, Instalacións e Obras, a taxa pola recollida de lixo e a taxa por suministro de auga e sumidoiros, que se incrementarán en relación á suba do IPC.

Ante as críticas da oposición, o alcalde, Manuel Regos, insistiu en que o incremento é baixo e se trata dunha cuestión necesaria, estando todavía Ordes por debaixo da media a nivel nacional nesta cuestión.

Decreto do Carbón
Por outra banda, aprobouse por unanimidade unha moción proposta polo grupo de goberno en relación ao decreto do carbón, tal e como se comprometera o alcalde Manuel Regos, o pasado mércores cos representantes do comité de empresa de Meirama que visitaron o Concello.

Gonzalo Castro salientou que “desde o BNG lamentamos o dobre discurso que empregan o PP e o PSOE, que din defender unha cousa en Galiza, mentres votan en contra dunha iniciativa presentada polo BNG no Congreso dos Deputados en defensa dos postos de traballo das centrais galegas”.

O concelleiro de Comercio e Industria do Concello de Ordes, José Manuel Tobío, que foi o encargado de expoñer esta moción ao resto da Corporación, mostrou a súa satisfacción porque finalmente se aprobase por unanimidade, destacando a importancia de ir todos xuntos nesta cuestión. A través desta moción o pleno do Concello de Ordes propón o mantemento do emprego directo nas instalacións termoeléctricas da Comunidade Autónoma de Galicia, así como nos ciclos combinados radicados en Galicia; o mantemento da industria auxiliar dependente de ditas instalacións; o mantemento do nivel de actividade e competitividade necesario das instalacións co fin de darlle robustez e fiabilidade ao sistema eléctrico español; que se teñan en conta as peculiaridades da Comunidade Autónoma galega e as repercusións socioeconómicas negativas que a entrada en vigor do Real Decreto 134/2010 terían para As Pontes, Cerceda e as súas comarcas; e que se compense ás respectivas empresas por dispoñibilidade garantindo un mínimo de horas anuais co fin de manter o emprego e a actividade económica.

Tamén que se inste ao Ministerio de Industria para que reciba aos representantes dos Comités de Empresa das Centrais Térmicas de Meirama e de As Pontes; instar ao goberno galego a que solicite ao goberno do Estado a modificación dos contidos básicos do Decreto do Carbón, aos efectos de adaptalo ao desenvolvemento dunha estratexia enerxética, económica e medioambiental sostible e ás especificidades das distintas comarcas mineiras, tendo en conta a singularidade das comarcas galegas; e por último, dar traslado deste acordo ao Ministro de Industria e ao presidente da Xunta de Galicia.

Por último, o pleno ordense aprobou tamén dúas mocións presentadas polo BNG, unha na que se solicita á Xunta que non se suprima o servizo de Noitebús, e outra relativa á defensa da sanidade pública.
Castro manifestou que “o servizo de Noitebús resultante sumamente importante, ao facilitar o desprazamento dos xóvenes durante á fin de semana aos lugares de ocio, como é o caso do concello de Ordes, evitando siniestros e víctimas mortais en accidentes de tráfico”.  

*

martes, 26 de octubre de 2010

Orde do día do pleno municipal de mañá martes 27 de outubro de 2010

Importante conferencia para coñecer e evitar o derrame cerebral

O 29 de outubro o salón de actos do Museo do Traxe Juanjo Liñares acollerá unha nova charla dos Venres Saudables

O vindeiro venres 29 de outubro de 2010, coincidindo co Día Mundial do Ictus, terá lugar a primeira destas charlas sobre o "Coidado a persoas con derrame cerebral" no auditorio do Museo do Traxe Juanjo Liñares ás 20:30 horas, charla que correrá a cargo de Xesús Caamaño Caramés, enfermeiro de neuroloxía do C.H.U.S. e profesor asociado á Escola Universitaria de Enfermería.

Dentro desta nova etapa de Venres Saudables impartirase un ciclo de conferencias que teñen como obxectivos principais detectar grupos de poboación vulnerables e valorar críticamente situacións e conductas de risco para a saúde, decidindo os medios persoais máis axeitados para evitalas.

Curso para coidado de enfermos crónicos
Por outra banda o Concello de Ordes organiza un "curso de atención psicosocial a enfermos crónicos" do 22 ao 29 de novembro no Centro Comarcal de Ordes en horario de tarde, de 16.00 a 19.30 horas, de luns a venres.

Este curso está adaptado para a poboación xeral sen experiencia/coñecementos previos do tema, para coidadores informais que poidan aplicar os contidos no seu coidado diario e para persoas que desexen aplicar os contidos de xeito profesional (traballadores de centros de día, centros residenciais...)

Todas aquelas persoas que estean interesadas en participar poden inscribirse no Departamento de Sanidade e Medio Ambiente, no 2º andar do Concello ata completar as 20 prazas ofertadas. Terán preferencia aquelas persoas que teñan ao seu coidado algún enfermo crónico.

Podes coñecer máis desta enfermidade a través deste video da Sociedade Española de Neuroloxía:



A frase de Xesús Pedreira, concelleiro de Sanidade de Ordes
"Trátase dun novo ciclo de charlas onde ademais de informar á poboación sobre temas de interese con respecto á saúde tamén se ofrece un foro de participación onde resolver dúbidas ou intercambiar experiencias"

*

"O Concello de Ordes non existe para o PP"

Ana Pontón e Gonzalo Castro, esta mañá en rolda de prensa informativa.
Así o denunciou esta mañá  Gonzalo Castro ate os medios de comunicación

O portavoz municipal do BNG de Ordes, Gonzalo Castro, e a deputada nacionalista Ana Pontón, compareceron esta mañá ate os medios de comunicación en Santiago de Compostela para denunciar a situación de Ordes nos orzamentos da Xunta de Galicia para o vindeiro exercicio 2011. Castro afirmou que “o Concello de Ordes non existe para o Goberno do PP, ao quedar excluído dos Orzamentos da Xunta de Galiza.”


Gonzalo Castro lembrou que “no tocante aos servizos sociais non se atende a vella demanda dun Centro de Día para o noso Concello, un concello onde preto de 3.000 veciños superan os 65 anos”. En canto ás infraestruturas salientou que “o goberno do PP volve a esquecerse da execución das obras de mellora e ampliación da estrada Ordes-Cerceda, unha obra que acumula un elevado retraso”. Por outra banda, o nacionalista destacou a “importancia que tería para Ordes que se contemplase a ampliación da Ronda Leste, para dotala dunha saída alternativa á do Polígono Industrial e evitar o caos circulatorio e a inseguridade vial que se xenerará nese punto”.

Concentracións parcelarias
Finalmente Gonzalo Castro salientou o esquecemento dun sector agrogandeiro, “un sector produtivo estratéxico para o noso Concello”, neste sentido lembrou que “a Xunta non dotou as partidas necesarias para impulsar o remate das concentracións parcelarias que se atopan abertas en Ordes”.

Pola súa banda, a deputada Ana Pontón denunciou que estes son uns orzamentos sen estratexia para saír da crise e que non atenden ao principal problema dos galegos e galegas que é o paro senón máis ben todo o contrario, xa que prevén un incremento do número de persoas desempregadas en Galicia no 2011. Isto segundo Pontón, “é a evidencia máis palpable do fracaso de Núñez Feijoo para facerlle fronte á crise económica” ao que engadiu: “Lembrámoslle que el se presentou ás eleccións co compromiso de rematar coa crise en 45 días e desde que chegou o único que temos é o agravamento da crise e o empeoramento do emprego dos galegos e galegas”.

Destacou tamén a deputada que estamos a asistir a un recorte moi grave das políticas sociais algo que queda claro neste orzamentos xa que contempla 476 millóns menos de euros neste eido que terán como resultado o deterioro de servizos públicos clave como o ensino e a sanidade.

*

O Concello acolleu esta mañá o pleno da Xunta Local da parcelaria Mercurín- Lesta II

O próximo día 29 repartiranse os boletíns e a disposición de planos da concentración na Escola de Mercurín

O Concello acolleu esta mañá a celebración do pleno da Xunta local da concentración parcelaria da zona Mercurín- Lesta II, no que se tratou o informe do proxecto de camiños e o informe do proxecto da concentración parcelaria. Trala reunión, anunciouse que o próximo día 29 levarase a cabo o reparto de boletíns e a disposición de planos na Escola de Mercurín.

Ademais os planos desta concentración parcelaria estarán expostos na Escola de Mercurín e no centro social de Lesta. Aproximadamente unha semana despois do reparto dos boletíns, os técnicos acudirán tanto a Mercurín como a Lesta para informar do estudio de adxudicación.

Alegacións, por rexistro
En canto ás alegacións, deberanse realizar por rexistro, ben no Concello ou nas oficinas administrativas da Xunta en Ordes, ou ben na Xefatura Territorial da Consellería de Medio Rural en A Coruña.

Esta concentración parcelaria conta con preto de 800 propietarios.

*

O Samaín chega a biblioteca municipal


Terá lugar o próximo venres día 29 de outubro a partir das 17 horas

Ollo ao novo horario do recinto: de 08:30 a 14:30 e 15:30 a 20:00 h. e sábados de 10:00 a 14:00 h.  

Un ano máis, a Biblioteca Municipal do Concello de Ordes ten todo preparado para celebrar unha xornada adicada aos máis pequenos da casa con motivo da celebración do Samaín.

Esta actividade terá lugar o próximo venres 29 de outubro a partir das 17:00 horas nas instalacións da biblioteca. Durante a tarde, os nenos e nenas participantes e os seus pais ou acompañantes, poderán participar en diferentes talleres de manualidades coa decoración de calabazas e outros adornos típicos desta época do ano.

Ademais tamén haberá unha exposición de fondos relativos á temática escollida como protagonista para esta xornada, e se aproveitará a ocasión para presentar a todos os participantes as novedades en literatura infantil coas que conta o centro para esta nova tempada.

Con esta iniciativa, tal e como explicaron dende a biblioteca, ademais de conmemorar unha festividade como é o Samaín, contribúese tamén ao fomento da lectura facendo que os máis pequenos da casa teñan un contacto directo cos libros, convertíndoos nun elemento familiar para eles, ademais de fomentar tamén as actividades entre pais e fillos ao tratarse dunha actividade na que poderán participar tanto uns coma outros.

Sesión de contacontos
Por outra banda, a Biblioteca Municipal do Concello de Ordes, prepara outra serie de actividades para o curso. Así e de cara a principios do mes de novembro, (a data todavía está por confirmar), está previsto que se celebre unha sesión de contacontos que contará coa participación dun personaxe moi coñecido xa polos pequenos e pequenas ordenses.

Todo este conxunto de actividades que leva a cabo durante o curso a biblioteca ordense, así como o gran fondo bibliográfico co que conta, fan que se teña convertido nun dos centros máis importantes de toda a comarca. Concretamente, conta con máis de 15.000 exemplares, ao que se suma tamén material audiovisual, e máis dun milleiro de socios.

Novo horario
A Biblioteca Municipal do Concello de Ordes cambiará o seu horario de apertura a partir da próxima semana. Así o novo horario será o seguinte, de luns a venres estará aberta de 08:30 a 14: 30 horas e de 15:30 a 20:00 horas, e os sábados de 10:00 a 14:00 horas.

*

domingo, 24 de octubre de 2010

O Concello organiza un curso para desempregadas de atención a persoas dependentes

As inscricións para o curso, que dará comenzo o próximo 27 de outubro, deberán realizarse no Centro de Información á Muller de Ordes

O Concello de Ordes organiza un curso de atención a persoas dependentes, un curso dirixido a mulleres desempregadas e que está financiado pola Secretaría Xeral de Igualdade da Xunta de Galicia.

As clases darán comenzo o próximo mércores 27 de outubro e prolongaranse ata o 13 de novembro, sendo o horario das mesmas de luns a sábados de 08:00 a 15:00 horas.

Todas aquelas mulleres que estean interesadas en participar deberán realizar a súa inscrición e poderán recibir máis información no Centro de Información á Muller de Ordes (CIM Ordes), situado na planta baixa da Casa do Concello.

*

sábado, 23 de octubre de 2010

Castro: “Os veciños saben dos grandes avances das parcelarias ordenses durante o Bipartito da Xunta”

Afirman que o goberno municipal debería deixar de negar o evidente e adicarse a traballar para resolver problemas na parcelaria de Beán-Pereira como o arranxo das pistas da rede principal de camiños

O portavoz nacionalista de Ordes amosou hoxe sábado a súa sorpresa porque o goberno municipal negue que durante a xestión do BNG na Consellería do Medio Rural se dou a toma de posesión provisional de cinco parcelarias.


Gonzalo Castro amosou a súa “sorpresa porque o goberno municipal negue os grandes avances que se produciron nas parcelarias ordenses nos últimos anos, grazas ao gran esforzo inversor realizado na pasada lexislatura pola Consellería do Medio Rural, que estaba dirixida polo nacionalista Alfredo Suárez Canal, e que investiu máis de seis millóns de euros nas parcelarias de Ordes, convertindo a Ordes no concello con máis investimento nesta materia de toda Galiza”.

O portavoz afirmou que “esta actitude do goberno municipal tampouco é nova, xa que na pasada lexislatura cada vez que a Consellería do Medio Rural anunciaba o remate dalgunha concentración parcelaria, adicábase a obstruir o traballo da Consellería e a negar que fose certo o anunciado pola mesma”.

Os veciños, testemuñas directas dos avances
Gonzalo Castro salientou que “afortunadamente os veciños e veciñas de Ordes teñen sido testemuñas directas destes avances, como ben saben os veciños de Ardemil, Leira, Montaos, Buscás, Barbeiros e Vilamaior, parcelarias que foron rematadas durante a xestión do BNG na Xunta”.

Con respecto á parcelaria de Beán-Pereira, Castro afirmou que “resulta preocupante que o goberno municipal descoñeza que no prazo aproximado de dúas semanas producirase a publicación, no Diario Oficial de Galiza (DOGA), do acordo da concentración parcelaria de Beán-Pereira, e o que resulta lamentábel é que non fixera un seguimento da tramitación desta parcelaria para saber que, con total probabilidade, o número de recursos que se presenten contra o acordo non superará o 6% dos titulares nin o 10% por cento da superficie concentrada, o que poderá permitir a toma de posesión provisional das fincas de reemprazo”.

O portavoz nacionalista afirmou que “o goberno municipal debería deixar de negar o evidente e adicarse a traballar para resolver problemas que son da súa competencia na parcelaria de Beán-Pereira, como o arranxo das pistas da rede principal de camiños, que xa son de titularidade municipal desde hai dous anos e que se atopan nun deficiente estado de conservación”.

*

Unha delegación do PP de Ordes se presenta ante a Xunta de Galicia para coñecer a realidade das concentracións parcelarias do municipio

Os populares acusan á anterior delegada de Medio Rural, Olga García, de "enganar aos veciños" e antepoñer a súa militancia nacionalista ao rigor e seguridade xurídica

Martínez Sanjurjo, enxeñeiro forestal e candidato popular de facto á alcaldía de Ordes, estréase divulgando un completo informe da situación real da parcelarias do noso municipio 

Dende a Xestora do Partido Popular de Ordes informaron esta tarde de que varios representantes da formación mantiveron unha reunión na Xunta de Galicia "para axilizar os procesos de concentración parcelaria que se están a executar" e reclamar "o máximo rigor para que se respecten os dereitos de todos os propietarios".


Olga García entre Lino Gaudeoso e Gonzalo Castro en xaneiro de 2009.

Logo das "afirmacións contraditorias e carentes de rigor" que se teñen efectuado nos últimos días "para confundir aos veciños", o Partido Popular de Ordes informa que os propietarios con terreos nas zonas de concentración parcelaria de Beán-Pereira II, Parada II e Mercurín-Lesta II "poderán coñecer nas próximas semanas as fincas de reemprazo que lles corresponderán, abríndose logo o período de alegacións".

Simultaneamente, sempre segundo o comunicado dos populares, os propietarios de Ardemil, Leira, Buscás e Barbeiros-Vilamaior II, que xa tomaron posesión das fincas de reemprazo tempo atrás, recibirán os títulos de propiedade ao longo do ano 2011 ou, como moi tarde, o 2012.

Pola súa parte, os propietarios de Montaos están a sofrir as consecuencias da "xestión chapuceira do anterior Goberno bipartito", que deu posesión das novas fincas "sen ter completado todo o proceso legal necesario, deixando pendentes de resolver numerosos recursos e sen solucionar tampouco a afectación derivada do trazado do Camiño Inglés" que atravesa a parroquia.

Toda esta información foi recompilada polo Partido Popular de Ordes nunha reunión celebrada nos servizos centrais da Consellería de Medio Rural cunha dobre intención: reclamar a axilización das concentracións que están en marcha e trasladar aos veciños afectados información fidedigna sobre o proceso.

Martínez Sanjurjo, candidato do PP á alcaldía de Ordes.
Asistiu ás reunións o candidato popular á alcaldía
Na reunión participou o candidato do Partido Popular á Alcaldía de Ordes, José Luis Martínez Sanjurjo, que pola súa condición de enxeñeiro técnico forestal e auxiliar técnico en topografía, é un bo coñecedor de todas as fases que integran calquera proceso de concentración parcelaria. Tamén asistiu a presidenta da xestora local do PP, Estrella Vázquez Varela.

O Partido Popular de Ordes aclara que boa parte das demoras que están a padecer os veciños afectados polas diferentes concentracións parcelarias que se están a executar no Municipio son consecuencia da actuación irresponsable da anterior delegada de Medio Rural, que antepuxo a súa militancia nacionalista e a busca de réditos electorais mediante o engano, fronte ao rigor, a planificación ordenada e a necesaria seguridade xurídica que debe caracterizar calquera concentración parcelaria, un proceso complexo de ata oito fases diferentes.

“Antes de desinformar, hai que contrastar os datos; e en lugar de competir en despilfarro e en enganos, como sucedeu durante a etapa do bipartito, hai que actuar coa seriedade coa que traballa o actual equipo da Consellería de Medio Rural”, afirman desde o PP de Ordes.

CONCENTRACIÓN PARCELARIA NO CONCELLO DE ORDES
Situación actual segundo informan dende o Partido Popular de Ordes.

1º.- BEÁN-PEREIRA II:
a) O decreto da zona é do ano 1991, e as bases definitivas (fincas aportadas) son firmes dende o 25/04/1999. Non se pode falar, polo tanto, dunha espera dun cuarto de século.

b) En datas próximas, vaise efectuar a exposición publica do Acordo de Concentración Parcelaria da zona, o que implica dar a coñecer as propietarios as fincas de reemplazo, logo de resolver as alegacións interpostas contra o proxecto exposto no ano 2008. Xa se convocou a xunta local da zona.

c) Coa exposición pública achegaránselle aos propietarios as fichas de atribucións da nova fase e abrirase un prazo de un mes para a presentación de recurso de alzada.

d) Neste momento dende a Consellería de Medio Rural, estase axilizando o trámite de contratación do amojonamiento (sinalización dos lindeiros) das fincas de reemprazo, que será coñecido nas vindeiras semanas.

e) Posteriormente publicarase o correspondente aviso de toma de posesión das novas fincas e abriranse os prazos contemplados na lei 12/2001 para a comprobación de superficie e retirada do arborado.

f) Finalmente, declararase a firmeza do acordo, unha vez resoltos todos os trámites e continuarase coa elaboración dos títulos de propiedade e a protocolización notarial da acta de reorganización de propiedade.

Prazo estimado de remate proceso: 2 anos, mínimo.

Non respectar eses prazos implicaría inseguridade xurídica para os propietarios.

2º.- ARDEMIL, LEIRA, BUSCÁS, BARBEIROS-VILAMAIOR II E MONTAOS:
a) Nestas zonas deuse posesión provisional das fincas de reemprazo aos propietarios. Ardemil, Leira e Buscás son as mais avanzadas e estase cos últimos flecos de resolución das reclamacións. Vaise publicar a firmeza do acordo en breve, contratar a elaboración dos títulos de propiedade e efectuar a acta de reorganización da propiedade. Ao longo de 2011 ou comezos de 2012 efectuarase a entrega de títulos de propiedade.

b) Barbeiros-Vilamaior II. Tamén ten toma de posesión provisional e neste momento estanse a resolver as reclamacións de superficie. En breve colocaranse os marcos que quedaron pendentes logo da toma de posesión (novembro 2008), e procederase de igual xeito que no resto das zonas mencionadas.

Firmeza do acordo e acta de reorganización da propiedade: ano 2011.

c) Montaos II. Aínda ten pendente a notificación dos recursos de alzada, que se efectuará en breve, así como as reclamacións de superficie e corrección de erros no amojonamiento. Así mesmo tratarase de dar unha solución satisfactoria aos afectados polo trazado do Camiño de Santiago (Camiño Inglés).

A toma de posesión das fincas de reemprazo deuse dun modo apresurado en novembro do 2007, e agora son os propietarios os que pagan as consecuencias, aínda 3 anos despois.

Firmeza do acordo e acta de reorganización da propiedade: sen data fixa

3º.- PARADA II e MERCURIN-LESTA II;
a) En ambas zonas estase á espera da exposición publica do proxecto das novas fincas. Este trámite efectuarase en breve, en cuestión de semanas, unha vez que dende a administración se convoquen as xuntas locais. Abrirase un prazo de alegacións e, a continuación, a empresa adxudicataria dos traballos procederá a elaborar os planos do acordo.

b) Dende a Consellería tratarán de axilizar no posible os tempos das seguintes fases, a fin de que os propietarios poidan botar man das novas fincas canto antes.

De ningún xeito se pode dicir que estes procesos rematarán nos próximos meses, nin que os investimentos da anterior lexislatura así o prevían, cando son tantos e tan laboriosos os trámites que faltan ata acadar a toma de posesión, e máis aínda a firmeza do acordo e posterior acta de reorganización da propiedade.
Non respectar os diferentes prazos e fases legalmente establecidas implicaría inseguridade xurídica para os propietarios.

Moitas das demoras que se están a producir nas diferentes zonas de concentración de Ordes veñen derivadas do modo de actuar da anterior delegada do medio rural: falta de planeamento e busca de intereses unicamente partidistas (BNG) por riba do rigor e veracidade que se lle debe esixir a calquera cargo público.

*

Os socialistas ordenses, escandalizados co recorte orzamentario da Xunta de Galicia

O secretario xeral dos socialistas de Ordes define como "sectarios" a uns orzamentos do ano 2011 que"castigan" aos veciños de Ordes "por non ter un goberno do Partido Popular"

Pedreira: "Os veciños saben ben que quen apostou por Ordes foi o goberno bipartito"

O secretario xeral da Agrupación Socialista de Ordes, Xesús Pedreira, denuncia que os orzamentos aprobados pola Xunta de Galicia son “sectarios e castigan aos veciños e veciñas de Ordes por non ter un goberno do Partido Popular”. Neste sentido, Pedreira sinala que “os orzamentos da Xunta non contemplan varias obras de abastecemento e saneamento en Ordes que non só estaban comprometidas, senón que mesmo tiñan o proxecto feito pero que agora quedaron en nada”.

Pedreira considera que esta situación “é un castigo da Xunta, que actúa con sectarismo diante daqueles gobernos municipais que non son do seu partido”. Neste sentido, denuncia que outros concellos da comarca ordense gobernados polo Partido Popular sí que terán investimentos durante o ano 2011.

Para o socialista, “está claro que o Partido Popular non apostou nunca por Ordes en ningún momento”, fronte aos investimentos recibidos durante a etapa do bipartito e cuxos beneficios están a ver os veciños de Ordes.

A frase de Xesús Pedreira, secretario xeral da Agrupación Socialista de Ordes
“Os veciños de Ordes saben ben que quen apostou por Ordes foi o goberno bipartito, que puxo en marcha multitude de obras”, sinala Xesús Pedreira, “pero o que é vergonzoso é que a Xunta castigue agora aos veciños de Ordes por non votar ao Partido Popular”.

O BNG falará do asunto o luns en Santiago de Compostela
Sobre este mesmo particular, o BNG de Ordes ven de anunciar unha convocatoria de prensa para este luns 25 de outubro en Santiago de Compostela na que participarán Gonzalo Castro e a deputada Ana Pontón.

*

O BNG proporá o rescate da concesión da escola infantil de Ordes

'Sorrisos' podería ter que abandoar a xestión deste servizo público se a inspección e o pleno da corporación determinan un incumplimento no contrato administrativo

Gonzalo Castro anunciou esta tarde que o BNG proporá o rescate da concesión da Escola Infantil ‘Sorrisos’ nunha moción que se debatirá no pleno da corporación municipal do vindeiro martes. Os nacionalistas defenderán, por tanto, que sexa o Concello quen volva a asumir a xestión dun servizo que foi privatizado a comezos deste ano.


Gonzalo Castro referiuse ás continuas queixas dos pais e nais pola baixa calidade da comida que se sirve aos cativos na Escola manifestando que “desde o BNG xa advertimos do deterioro na prestación do servizo que se provocaría coa privatización da Escola Infantil, e opuxemonos firmemente a ela, mais o alcalde, co apoio do PP, sacouna adiante co argumento de que o Concello non podía asumir o custo da prestación dese servizo".

O portavoz nacionalista criticou “que o alcalde e o PP apoiasen a privatización dun servizo público esencial, como é a escola infantil, co argumento de que as arcas municipais non podían asumir o seu custo de 90.000 euros anuais, mentres se está destragando máis de tres millóns de euros de diñeiro público en obras faraónicas e non prioritarias como a ampliación da Alameda e da Casa Consistorial, ou se lle paga o cuartel á Garda Civil, cun investimento de máis de dous millóns de euros”.

Castro acusou ao alcalde e ao PP de “hipocresia política”, e emprazounos a “rectificar e apoiar o rescate da concesión da garderia municipal, para que sexa o Concello quen volva asumir a súa xestión e poder garantir un servizo público e de calidade para os nosos veciños”.

Que é un rescate dunha concesión?
É unha forma de resolución de contratos coas Administracións públicas, neste caso a través da resolución do contrato de xestión de servizos públicos firmado no seu día entre unha Administración -Concello de Ordes- e unha empresa xestora de servizos públicos -Escola Infantil Sorrisos-, mediante a cal e previa inspección se conclúe con que unha serie de deficiencias na xestión son motivo de resolución contractual. Esto suporía que a Administración pública poidera ter que 'rescatar' a xestión do servizo, previa indemnización á empresa das inversións, obras e instalacións que executadas pola concesionaria, foran a pasar de novo á Administración.

viernes, 22 de octubre de 2010

Castro súmase á defensa do Noitebús cos nacionalistas da comarca


Presentarán diversas mocións nos concellos de Santa Comba e Ordes

O BNG da comarca compostelá deu comezo a unha campaña para defender a necesidade de que a Xunta rectifique e non suprima o servizo do Noitebús. Dela falaron esta mañá en rolda de prensa a deputada do BNG, Ana Pontón; o responsable comarcal de Galiza Nova, Roberto Pardal Coca; o responsable local de Santa Comba, Felipe Calvo; e o portavoz do BNG de Ordes, Gonzalo Castro, por ser as localidades máis prexudicadas coa supresión. As iniciativas desta campaña serán, entre outras, a presentación de mocións nos Concellos, actos diversos cos mozos e mozas, recollidas de sinaturas e diversas preguntas no Parlamento de Galiza.

Vinte liñas de Noitebús en Ordes

Dentro da comarca de Compostela, informan dende o BNG Compostela, Ordes e Santa Comba son as dúas localidades máis prexudicadas, con 28 liñas de Noitebús, 20 Ordes e oito Santa Comba. De feito, Santa Comba é a localidade do país que concentra maior oferta e demanda deste servizo. Precisamente esta mesma mañá, as deputadas do BNG Ana Pontón e Teresa Táboas presentaron dúas preguntas para a súa resposta na comisión: unha relativa ao impacto da supresión do Noitebús no Concello de Ordes e outra a respecto do impacto en Santa Comba.

Nelas pídense os datos concretos de usuarios deste servizo e pregúntaselle á Xunta se é consciente de que a supresión do Noitebús supón reducir estratexias para diminuír os accidentes entre a xente moza. Así, preguntaselle tamén se reducir os accidentes entre a mocidade lles parece unha cuestión complementaria e prescindíble así como se, revisado isto, ten previsto a Xunta rectificar na súa decisión.


Gonzalo Castro denunciou a política de “destrucción masiva” que está a por en marcha o Partido Popular desde a Xunta e dentro da que se enmarca a supresión do Noitebús.

Foto: Roberto Pardal, Ana Pontón, Felipe Calvo e Gonzalo Castro, esta mañá en rolda de prensa. 

*

O PP de Ordes solicitara á Xunta unha inspección xeral na gardería municipal

Cando o Concello privatizou a gardería, o PP reclamou que se mantivese un control estricto sobre o centro para garantir a calidade da atención aos nenos

Os populares lanzan unha mensaxe de ánimo ao persoal e apuntan que, de terse producido algunha hipotética incidencia, a responsabilidade política recae sobre o Concello

O Partido Popular de Ordes solicitara, a través dun escrito na oficina comarcal da Xunta de Galicia, a realización dunha inspección urxente na escola infantil municipal de Ordes logo da alarma social suscitada tras coñecerse as denuncias públicas de algúns pais que alertan dun deterioro do servizo ofertado aos meniños.

Inspección da Xunta de Galicia 
Dada a transcendencia deste asunto, e ante a sospeita de que se poda ter producido algunha presunta neglixencia, o Partido Popular solicita a inmediata intervención da inspección da Xunta de Galicia para analizar todos os parámetros que debe cumprir unha escola infantil, revisando especialmente a calidade nutricional dos menús ofertados aos menores escolarizados, a idoneidade nutricional para cada tramo de idade e cadro de persoal asignado habitualmente a este centro.

Recordan que cando o actual Goberno privatizou a gardería municipal, o Partido Popular advertiu da necesidade de que por parte do Concello se mantivese un control estricto sobre o funcionamento do centro para evitar calquera incidencia ou deterioro da calidade na atención que este centro debe prestar aos cativos escolarizados nel.

Ante a situación creada no pobo, os populares lanzan unha mensaxe de ánimo ao persoal da gardería e apuntan que, de terse producido algunha hipotética incidencia, a responsabilidade política recae sobre o Concello como titular do servizo.

Reencontro coas orixes ordenses


O alcalde recibe a un ordense residente en Brasil dende 1954 

O alcalde Manuel Regos recibiu hoxe no Concello a José Sánchez López, un veciño natural de Ordes que reside no Brasil dende hai 56 anos e que estivo de visita no municipio xunto aos seus familiares.

Foto: De esquerda a dereita: José Sánchez López; o alcalde, Manuel Regos; o fillo de José Sánchez López que o acompañou na viaxe; e outro veciño ordense.

*

Ordes comenza esta fin de semana a liga de fútbol sala

Organizada pola Asociación Deportiva de Ordes

Tamén haberá competición de dardos, tute e futbolín

Esta fin de semana Ordes dá comenzo a unha das modalidades das ligas deportivas que organiza para este ano a Asociación Deportiva de Ordes en colaboración co Concello.


Concretamente será a liga de fútbol sala a que dea comezo esta fin de semana, unha liga que contará coa participación de 20 equipos de toda a comarca, con xogadores que van dende os 16 aos 63 anos. Os partidos xogaranse os venres e sábados nos polideportivos de Campomaior e Castelao. As clasificacións daranse asiduamente pola radio municipal, Radio Ordes, e tamén se poderán consultar na web http://www.asociaciondeportivaordes.es.tl/

Deportes de outras 'modalidades'
Por outra banda para principios do mes de novembro tamén está previsto que dean comenzo as ligas nas outras modalidades, que serán dardos, tute e futbolín. A liga de dardos xogarase no bar Tahití, a de tute no bar Mira e a de futbolín no bar Millenium.

Ademais está previsto que para o próximo mes de xaneiro se faga unha nova convocatoria para participar na liga de tenis, xa que nesta convocatoria non se superou a inscrición mínima para a súa celebración.

*

Pedreira: "O que anuncia Castro aínda non se pode dar por finalizado"

O edil de Medio Rural para os pés aos nacionalistas á hora de publicitar a inminente toma de posesión da parcelaria de Beán-Pereira

Pedreira: "É lamentable a falta de información de Gonzalo Castro"

O goberno local do Concello de Ordes, tralo pleno da xunta local da concentración parcelaria da zona Beán- Pereira, que tivo lugar onte, explicou que todavía non se pode dar por finalizado o proceso, tal e como anunciaba hoxe na prensa o portavoz do BNG ordense, Gonzalo Castro.
Así, e tal e como explicaron dende o grupo de goberno, todavía hai que remitir o informe do acordo á Dirección Xeral de Desenvolvemento para a súa aprobación, e posteriormente será notificado a todos os propietarios de maneira individual que poderán interpoñer recurso de alzada dentro do prazo de trinta días hábiles dende a notificación, cuestións que tal e como explicou o concelleiro de Medio Ambiente, Medio Rural e Sanidade, Xesús Pedreira “pode todavía retrasar moito o proceso”.

O edil explicou tamén que nesta concentración todavía quedan sen abrir catro kilómetros de camiños secundarios, aínda que sí anunciou a próxima colocación dos marcadores.

"A información dada polos nacionalistas non é exacta"
“É lamentable a falta de información do portavoz do BNG acerca deste tema. A nós gustaríanos que a finalización da concentración de Beán-Pereira fose unha realidade, pero non é así, e a información dada polo edil nacionalista non é exacta”, dixo Pedreira.

No pleno da xunta local da concentración parcelaria da zona Beán- Pereira, tamén se explicou que ao proxecto se presentaron 164 alegacións, das que se estimaron 73, e 56 se estimaron en parte e foron desestimadas 35. En canto aos datos xerais da zona, a superficie total é de un pouco máis de 1.337 hectáreas.

Por outra banda o goberno local sí puido anunciar a firmeza de acordo para a finalización da concentración parcelaria de Ardemil, cuestión que calificaron de gran importancia para o municipio, despois de moitos anos de espera.

O vindeiro luns día 25 de outubro celebrarase no Concello de Ordes a reunión do pleno da Xunta Local da concentración parcelaria da zona Mercurín- Lesta II, na que se tratará o informe sobre o proxecto de camiños e o informe do proxecto da concentración parcelaria.

*

Castro, satisfeito co anuncio da publicación da parcelaria Beán-Pereira

Castro atribue este avance aos seis millóns de euros investidos por Suárez Canal no tempo do Bipartito 

O portavoz municipal do BNG de Ordes, Gonzalo Castro, anunciou que nun prazo aproximado de dúas semanas producirase a publicación, no Diario Oficial de Galicia , do acordo da concentración parcelaria de Beán-Pereira, o que dará lugar, se o número de recursos presentados contra o mesmo non supera o seis por cento dos titulares de explotacións nin os reclamantes representan máis do dez por cento por cento da superficie concentrada, á aprobación da toma de posesión provisional das fincas de reemprazo por parte dos seus titulares.


Castro amosou a súa satisfacción por este acordo e manifestou que “o impulso á tramitación da concentración parcelaria de Beán-Pereira foi posíbel grazas ao gran esforzo inversor realizado na pasada lexislatura pola Consellería do Medio Rural, que estaba dirixida polo nacionalista Alfredo Suárez Canal”.

Seis millóns de euros nas parcelarias ordenses
O portavoz nacionalista lembrou que “na pasada lexislatura a Consellería do Medio Rural investiu máis de seis millóns de euros nas parcelarias de Ordes, convertindo a Ordes no concello con máis investimento nesta materia de toda a Galiza, o que posibilitou a entrega nos últimos anos das concentracións parcelarias de Ardemil, Leira, Montaos, Buscás e Barbeiros-Vilamaior, ás que haberá que engadirlle, nos próximos meses, a de Beán-Pereira”.

Castro valorou “a incidencia positiva que ten a finalización da concentración parcelaria de Beán-Pereira no desenvolvemento socioeconómico do noso concello, non só no referente as posibilidades de dimensionamento das explotacións agrarias, senon tamén respecto das dotacións de infraestructuras como a creación e mellora da rede viaria, así como no facilitamento do acceso a servizos básicos nos núcleos rurais”.

A frase de Gonzalo Castro, portavoz municipal do BNG de Ordes
“Os investimentos aprobados pola Consellería do Medio Rural na pasada lexislatura prevían a finalización e entrega, antes de xuño de 2011, de todas as concentracións parcelarias abertas en Ordes, prazos que agardamos que sexan respectados polo actual goberno da Xunta, o que permitiría a finalización e entrega durante os próximos meses das parcelarias de Parada e de Lesta-Mercurín”.

*

O Concello de Ordes participa na I Feira Galega do Voluntariado

Un stand do Concello mostra no centro comercial de Área Central de Santiago de Compostela, o traballo levado a cabo dende o programa municipal de Voluntariado Verde

O Concello de Ordes participa dende hoxe na I Feira Galega do Voluntariado que organiza a Dirección Xeral de Xuventude e Voluntariado da Xunta de Galicia ata o próximo 24 de outubro.

Así, o Concello de Ordes é unha das 50 entidades que participan nesta xuntanza de voluntariado cun stand no que mostra o traballo levado a cabo dende o Programa de Voluntariado Verde promovido dende o Consistorio.

Dar a coñecer o traballo do Voluntariado Verde
A inauguración da Feira tivo lugar esta mañá e correu a cargo do director xeral de Xuventude e Voluntariado, Ovidio Rodeiro Tato e a conselleira de Traballo e Benestar, Beatriz Mato, que visitaron o stand do Concello de Ordes. Ao acto asistiu o concelleiro de Medio Ambiente, Xesús Pedreira, quen insistiu en destacar e agradecer a gran labor que están a desempeñar os voluntarios ordenses que, de forma desinteresada, contribúen coa súa participación nos distintos bloques de actividades do programa de Voluntariado Verde a coidar e fomentar o respeto polo patrimonio natural do municipio. Ademais tamén explicou que esta feira servirá para dar a coñecer todo o traballo que se está a realizar dende este programa municipal.

A feira prolongarase ata o próximo domingo no centro comercial Área Central en Santiago de Compostela.

*

O Concello xa ten listo o 'Circuíto deportivo e cultural' do outono

Haberá obradoiros de pandeireta, gaita, tiro con arco, pilates, así como diferentes cursos de informática


O Concello de Ordes, a través do departamento de Cultura e Deporte que dirixe Xosé Ramón Vázquez Raña, prepara unha nova edición do 'Circuíto deportivo e cultural' que traerá durante este trimestre ao municipio diferentes actividades para o disfrute dos veciños e veciñas de Ordes. Así os ordenses que estean interesados, poderán inscribirse nun amplo abano de actividades, entre elas, obradoiros de pandeireta, gaita, tiro con arco, pilates, así como diferentes cursos de informática.

Concretamente e no relativo ás clases de pandeireta, está previsto que se celebren os martes de novembro, decembro e xaneiro nas instalacións da Escola de Música. No mesmo lugar, pero os mércores, terán lugar as clases de gaita, día no que tamén se celebrará o obradoiro de tiro con arco de 20 a 21 horas no pavillón Campomaior. Os luns e os mércores celebraranse as clases de pilates de 20 a 21 horas.

Cursos de informática
Por outra banda tamén se realizarán diferentes cursos de informática, moi demandados polos veciños. Haberá tres cursos adicados á iniciación en Windows XP, de 20 horas de duración cada curso. O primeiro deles terá lugar os luns e mércores do mes de novembro de 10 a 12 horas na aula de informática da Casa da Cultura; outro celebrarase os martes e xoves de novembro de 18 a 20 horas, e por último, no mes de xaneiro celebrarase o terceiro os martes e xoves de 18:30 a 21 horas tamén na Casa da Cultura.

A estes cursos sumaranse ademais outros dous de perfeccionamento en Windows XP, un os martes e xoves de novembro de 20 a 22 horas e outro os luns e mércores de xaneiro de 19:30 a 22 horas. Tamén se celebrará en novembro un curso sobre redes sociais dirixido a pais e nais, e por último outro de perfeccionamento de Excel os luns e mércores de xaneiro de 17 a 19:30 horas na Casa da Cultura.

Dende o Concello advirten de que se poderán producir cambios nos horarios e lugares de realización dos cursos.

Para poder participar nestes cursos haberá que facer unha inscrición, cuxo prazo xa está aberto ata o próximo 27 de outubro. As fichas de inscrición poden recollerse e deberán entregarse no departamento de Cultura e Deporte situado na planta baixa da Casa do Concello, onde tamén se poderá recibir máis información acerca das actividades e os prezos das mesmas.

A frase de Xosé Ramón Vázquez Raña, concelleiro de Cultura e Deporte de Ordes
"Animo a todos a que participen nestas actividades, coas que se pretende dar unha alternativa de ocio aos adultos ordenses, e ao mesmo tempo formalos nalgunha especialidade tanto cultural como deportiva, así como na informática, tendo en conta o momento no que vivimos e a importancia de ter coñecementos neste ámbito”

*

miércoles, 20 de octubre de 2010

O Mesón do Venta xa conta con contedor de recollida de aceite doméstico usado

Coa campaña de sensibilización da reciclaxe deste producto, xa se ten evitado que 5.000 litros de aceite contaminaran uns cinco millóns de litros de auga

O Concello de Ordes anima a tódolos veciños da vila a que depositen o aceite doméstico usado nos distintos contedores de recollida deste residuo de que dispón o municipio, e que esta semana se amplía con un máis que está ubicado na praza da Igrexa no Mesón do Vento.


Dende que o pasado mes de novembro de 2008 se puxera en marcha a campaña de sensibilización de reciclado de aceite usado de cociña, Tirar aceite polo fregadeiro contamina, o Concelllo leva xestionado máis de 5.000 litros deste residuo evitando así por cada un destes litros xestionados, contaminar 1000 litros de auga dos nosos ríos.

Contedor de reciclaxe de aceite na Ada. Alfonso Senra.
Numerosos beneficios ambientais
Son xa varias as campañas de sensibilización levadas a cabo nas que se dan a coñecer os beneficios ambientais que a reciclaxe deste residuo supón xa que, segundo o Concello de Ordes, con cada litro de aceite usado xestionado evitamos lanzar 1.32 kilos de dióxido de carbono á atmósfera e impedimos que se contaminen, aproximadamente, 1.000 litros de auga.

Coa colocación deste novo contenedor, son xa oito os contenedores que o Concello de Ordes ten instalado no municipio para este fin. Concretamente o resto de contenedores están ubicados, un na rúa do Recreo á altura do número 34, outro na rúa da Feira (ao lado da Escola de Música), outro na rúa Pascual Veiga nº1, outro na rúa do Muíño, outro na rúa Nova á altura do número 36, e outros dous na Avenida de Alfonso Senra.

A frase de Xesús Pedreira, concelleiro de Medio Ambiente de Ordes
"A política ambiental levada a cabo por esta concellería insiste unha vez máis na necesidade de concienciar á cidadanía da importancia da reciclaxe deste residuo polos beneficios que conleva, non só ambientais, senón que tamén para evitar os problemas que acarrea desfacerse deste residuo polas cañerías, xa que provoca a súa obstrucción ao solidificarse e, en consecuencia, graves molestias para calquera domicilio ou comunidade de veciños. Así mesmo, se os aceites alcanzan as alcantarillas acumúlanse nas esquinas e favorecen a proliferación de colonias de roedores e, incluso, se se mesturan coa auga poden chegar a disminuir a súa calidade. En definitiva, é un xesto co que gañamos todos"

*

martes, 19 de octubre de 2010

Unha representación do Concello acudiu onte a Madrid como invitada á entrega dos premios Ciudad Sostenible

Son outorgados pola Fundación Fórum Ambiental e foron entregados pola Princesa de Asturias

O concelleiro de Medio Ambiente, Medio Rural e Sanidade do Concello de Ordes, Xesús Pedreira, e a concelleira de Educación, Mocidade e Discapacidade, Silvia Marín, acudiron onte, en representación do Concello de Ordes, a Madrid á entrega da oitava edición dos premios Ciudad Sostenible que outorga a Fundación Fórum Ambiental.



Unha gala á que o Concello de Ordes foi invitado en recoñecemento ao seu traballo en favor do medio ambiente e o desenvolvemento sostible, invitación pola que o edil de Medio Ambiente, Xesús Pedreira, mostrou a súa gratitude e a súa satisfacción, ao ser moi poucos os invitados ao evento.

O acto estivo presidido pola Princesa de Asturias que foi a encargada de entregar os premios. Entre as institucións premiadas nas diferentes categorías estiveron o Concello de Palencia, o de Santa Pola (Alicante), La Aldea de San Nicolás (Las Palmas), Rivas Vaciamadrid (Madrid) e a Deputación de Jaén.

Dende o goberno local do Concello de Ordes mostraron a súa satisfacción por ter sido invitados a un evento de tal importancia, recoñecendo así o traballo que se está a realizar dende o Concello en materia medioambiental.

Máis información na páxina web da Casa Real a través deste enlace.

*

O BNG acusa ao alcalde de "defender aos especuladores" co retraso do PXOM

Gonzalo Castro critica que "en tres anos non se rematase nin sequera o avance" e que o alcalde "intente engañar aos veciños con mentiras"

O portavoz municipal do BNG de Ordes, Gonzalo Castro, acusou onte ao alcalde Manuel Regos, de “favorecer aos especuladores co retraso na tramitación do PXOM de Ordes”.

Castro afirmou que “detrás da lentitude na tramitación do PXOM existen sospeitas fundadas da existencia de intereses inconfesábeis, que buscan provocar que non se aprobe definitivamente o mesmo no presente mandato municipal, o que abocaría a Ordes a seguir padecendo un desenvolvemento urbanístico caótico e pouco sostíbel.”

O portavoz nacionalista acusou ao alcalde “de manter tres anos paralizada a tramitación do PXOM e intentar engañar aos veciños xustificando o retraso con excusas que non son máis que mentiras, cando é precisamente agora, nun momento de crise, cando mais se necesita un PXOM que dea un impulso ao noso Concello”.

Segundo Gonzalo Castro “coas excusas do alcalde para non acelerar a tramitación do PXOM demostrase que para él é máis importante manter a vixencia dunhas normas subsidiarias obsoletas, que benefician a uns poucos especuladores, antes que aprobar un PXOM que beneficie ao conxunto dos veciños e veciñas de Ordes, permitindo que o noso Concello poida desenvolverse urbanísticamente de xeito equilibrado”.

A frase de Gonzalo Castro, portavoz municipal do BNG de Ordes
"O BNG defenderá que se aprobe canto antes un PXOM que permita un desenvolvemento urbanístico equilibrado, que fomente a creación de vivenda protexida e que prime a calidade de vida dos veciños e veciñas de Ordes"

*

O Concello organiza un curso de graduado en ESO para adultos

Dará comenzo o próximo día 2 de novembro na Casa da Cultura

O Concello de Ordes, a través do departamento de Educación, Mocidade e Discapacidade, que dirixe a concelleira Silvia Marín, organiza un curso de graduado en ESO para adultos.


Un curso dirixido a maiores de 18 anos co que se pretende dar a posibilidade de conseguir o título de graduado en ESO a persoas que polo motivo que fose non o obtiveran no seu día. Ademais con esta iniciativa, dende o Concello de Ordes pretenden dar unha ferramenta máis a todas aquelas persoas para as que conseguir esta titulación poida supoñer unha facilidade á hora de encontrar un traballo.

Comezan o 2 de novembro
As clases darán comenzo o vindeiro día 2 de novembro na Casa da Cultura de Ordes, unhas clases que se prolongarán ata o mes de xuño para os que consigan o título nesa convocatoria de exames, ou en setembro para os que necesiten a segunda convocatoria.

Non é a primeira vez que se realiza este curso no municipio que sempre contou cun gran éxito de aprobados. Así, na edición do ano pasado foron máis do 90% dos alumnas e alumnas participantes os que conseguiron o título.
Máis información acerca do curso no departamento de Educación, Mocidade e Discapacidade do Concello de Ordes, situado na planta baixa da Casa do Concello.

sábado, 16 de octubre de 2010

Manifestación en A Coruña contra el decreto del carbón con presencia de ordenses


Allí estuvieron al menos los ediles Xesús Pedreira (PSOE), José Luis Gómez Candal (UxO) y Ramón Vázquez (UxO)

Más de 2.000 personas, informa Europa Press -unas 1.500 según la Policía Local y unas 3.000 según los organizadores- se concentraron esta mañana ante la Delegación del Gobierno en A Coruña como protesta por el decreto del carbón. Estuvieron presentes representnates de los principales partidos. Entre ellos, por el PSOE, el presidente de la Diputación de A Coruña, Salvador Fernández Moreda; por el PP, el delegado de la Xunta en A Coruña, Diego Calvo; y por el BNG, el diputado Francisco Jorquera.

Miembros del PP, PSOE y BNG
También se dieron cita miembros de la Plataforma en contra del decreto del carbón -integrada por BNG, CIG y USTG- y representantes de los comités de empresa de Endesa As Pontes y Gas Natural Meirama, de CC.OO. y UGT. Entre los representantes municipales, los alcaldes de As Pontes, Cerceda, Ferrol, Ortigueira, Mañón, As Somozas, Cabanas, Ares, A Capela, Oleiros, Cerdido, Arteixo, Narón, Fene, Cedeira, Monfero, Carballo, Tordoia, Razo, Mesía y Abegondo.

El Concello de Ordes estuvo representado por el concelleiro de Sanidade, Medio Rural y Medio Ambiente, Xesús Pedreira (PSOE), así como por los también ediles José Ramón Vázquez, de Cultura e Deportes (UxO); y José Luis Gómez Candal, edil de Promoción Económica, Turismo, Mercados e Exposicións, también de UxO.

Foto: Imagen de la manifestación de esta mañana contra el decreto del carbón / EFE.

*

Ordes estuda crear unha comisión para a violencia de xénero

O seu debate terá lugar nun encontro derivado do Protocolo contra a violencia de xénero de 2008

Enriba da mesa dúas cuestións: A explotación sexual e a trata de persoas en Ordes

O Concello de Ordes, en colaboración coa Secretaría Xeral de Igualdade da Xunta de Galicia, buscar poñer en marcha novos mecanismos que consoliden o Protocolo de actuación para a atención integral a vítimas de violencia de xénero, elaborado no ano 2008 entre diferentes organismos.


Nesta ocasión, tal e como informaron dende o Centro de Información á Muller do Concello, preténdense abordar dúas cuestións: estudiar a viabilidade de crear unha comisión para a violencia de xénero, e analizar o tratamento de dous temas de especial relevancia no entorno, como son, a explotación sexual e a trata de persoas, e a especial vulnerabilidade das mulleres migrantes que son vítimas de violencia de xénero.

Para tratar estas cuestións o Concello de Ordes organiza unha reunión á que están invitadas as institucións implicadas no protocolo, como corpos e forzas de seguridade, xulgados, servizos sanitarios e servizos sociais e a Subdelegación do Goberno. Este encontro terá lugar o luns 25 de outubro na Casa do Concello de Ordes. Nesta iniciativa tamén colabora a ONG Ecos do Sur.
Por outra banda como complemento e reforzo a esta actividade e ao protocolo, tamén se levarán a cabo diferentes accións formativas dirixidas ao personal das institucións implicadas, co fin de que coñezan todas as novidades e información acerca desta problemática.
.
O edil Xosé Manuel Tobío.
Elaboración de dípticos
Outra das actuacións que completarán este conxunto de iniciativas, será a elaboración de dípticos, dirixidos especialmente a mulleres inmigrantes vítimas de violencia de xénero. Uns dípticos que se editarán en varios idiomas, castelán, inglés, francés e árabe, e nos que se recollerán diferentes cuestións como o que é a violencia de xénero, a onde se pode acudir no caso de ser unha vítima, e outras cuestións de especial interese para estas mulleres migrantes.

A frase de Xosé Manuel Tobío, concelleiro de Servizos Sociais de Ordes
“Esperamos que o esforzo compartido dos organismos públicos na loita contra a violencia de xénero e a atención ás vítimas contribúa, na medida do posible, a diminuir esta lacra social

*

viernes, 15 de octubre de 2010

A Asociación Española contra o Cancro celebrará connosco o Día Mundial contra o Cancro de Mama

Ubicarán unha mesa informativa no centro de saúde

A iniciativa, que conta coa colaboración do Concello de Ordes, terá lugar o 19 de outubro

A Asociación Española contra o Cancro, coa colaboración da concellería de Sanidade do Concello de Ordes, levará a cabo o vindeiro martes día 19 de outubro unha actuación informativa.

A importancia da prevención
Así, con motivo da conmemoración do Día Mundial contra o Cancro de Mama, colocarán unha mesa informativa no centro de saúde de Ordes. A mesa, na que se poderá recoller información acerca deste tipo de cancro, permanecerá no centro de 10:00 a 13:00 horas.

Desta maneira, dende a xunta local da Asociación Española contra o Cancro e o Concello, esperan poder contribuir á concienciación dos veciños e veciñas do municipio acerca desta dolencia, dando as directrices básicas sobre como detectala e poder previla na medida do posible.

Podes coñecer o modo no que se crea un tumor ou cáncer na mama a través deste vídeo:



Podes atopar máis información desta enfermidade nesta páxina do
National Cancer Institute, de Estados Unidos.

*