sábado, 30 de julio de 2011

El éxito de UxO y el fracaso del BNG...¿o era al revés?

Por R. A. Landeira

Una de las primeras lecciones que se dan en los cursos de gestión empresarial es cómo sacar beneficio del éxito. Puede parecer una paradoja, pero haber logrado una victoria parcial y no saber gestionarla puede ser el camino recto hacia el fracaso final. Esto es lo que está sucediendo desde que el domingo 22 de mayo las urnas dieran a Manuel Regos la mayoría simple de los votos de los ordenses. Por el contrario, el BNG de Ordes estaba desolado. Presentaba el peor resultado jamás alcanzado por la formación nacionalista en una convocatoria municipal. Mientras UxO tocaba el cielo y vivía una borrachera de éxito, el BNG se hundía en el fracaso y la depresión.

Dos meses más tarde, qué paradoja, UxO está totalmente bloqueada y el BNG goza de una autonomía con la que nunca podría llegar a soñar a tenor del resultado electoral. ¿Por qué esto ha sucedido así? Por la gestión. UxO está fracasando estrepitosamente por su arrogante gestión individual; y el BNG, con su puñado de votos, está dando una lección de estrategia política, fuerza y entendimiento entre grupos a quien hasta ayer se creía el todopoderoso Regos.

El principio del fracaso del independiente empezó a las pocas semanas de creer ganar la alcaldía. Su brazo derecho, jefa de campaña, directora de comunicación, concejala de Educación y muchas otras cosas más en el Concello, Silvia Marín, tomaba contacto con los diferentes grupos con representación municipal buscando la adhesión de estos al programa de Regos. Primero, conversaciones –por dos veces- con el PP en el Hotel AC Palacio del Carmen de Santiago con la gente de Martínez Sanjurjo. Fracasó. Después, con los del BNG buscando la adhesión sí o sí en beneficio de todos. Fracasó de nuevo.

Por su parte y en paralelo, Roberto González, perro viejo en esto de la política municipal, trató durante aquellas primeras semanas y  como fuera, de bloquear una entente entre PP, BNG y CideGa que a punto estuvo de dejar a Regos en la oposición. Según me cuentan, el viernes 10 de junio por la noche, a pocas horas del nombramiento del alcalde, Regos no era el regidor. González esperó aquella noche a la puerta de la sede de los nacionalistas…Parece que tuvo éxito.

Así las cosas, en la sede de los independientes, el fracaso negociador de Marín se obvió y el éxito de González se amplificó. Un artificioso cóctel que les permitió felicitarse mutuamente y alzarse por los pelos y tras una desastrosa y vergonzosa ceremonia indigna de los ordenses, con el bastón de mando municipal. Allí no importaban las cerca de cien personas que testimoniaban la celebridad de la dignidad ordense. No. Allí lo único que importaba era que Regos saliera de allí con el bastón en la mano. Al precio que fuera. Los nacionalistas, callados, dieron pista a los de Regos esperando lo que inevitablemente iba a pasar y pasó.

El primer revés de los gordos para Regos vino el martes 5 de julio cuando el alcalde retiró, evitando así el esperado rechazo, una moción de los nacionalistas bloqueando las intenciones de Regos de gozar con una dedicación exclusiva de 29 000 euros anuales para su socio, Roberto González, y otra parcial de 16 220 euros para otro de sus concelleiros. Tratando de evitar que la noticia corriera como la pólvora por la villa, el alcalde veta la emisión de Radio Ordes donde se daba cuenta del fracaso y se levanta sesión en apenas 35 minutos. Todos los que allí estuvimos pudimos ver a los técnicos de Radio Ordes cómo sí grabaron la sesión plenaria.

El segundo round vendría esta misma semana con una goleada de Gonzalo Castro a Regos. Habrá normativa antitránsfugas y habrá auditoría externa en el Concello de Ordes. El alcalde se queda sin gente. Un Partido Popular que le detesta y un BNG que sonríe, quizá mofamente del fracaso de un éxito que está convirtiendo a Manuel Regos en la clase de político que él siempre despreció.

     *

viernes, 29 de julio de 2011

Varapalo a Regos: la Xunta rechaza declarar la Fiesta del Champiñón como de Interés Turístico de Galicia

A falta de noticias sobre este expediente por parte del Concello de Ordes, descubrimos que Turgalicia rechazó la solicitud


Durante el transcurso de la inauguración de Expo Ordes 2010, en abril del pasado año, el alcalde  Manuel Regos expresaba públicamente su intención de solicitar a la Xunta de Galicia que la Festa do Champiñón cuente con la declaración de Festa de Interese Turístico de Galicia. Una vez presentada, pasados los seis meses que la Administración tiene para contestar y tras una nueva Festa do Champiñón 2011, no hay ni rastro de noticias sobre aquella solicitud. 


Según ha sabido este medio, la Consellería de Cultura de la Xunta de Galicia a través de Turgalicia rechazó esta solicitud, quedando la Festa da Troita del concello vecino de Oroso como la única de Interés Turístico de Galicia en toda nuestra comarca.


REGOS SE QUEDA SOLO

Manuel Regos en Ordes, durante un mitin de apoyo al PSOE en las elecciones autonómicas del 2009. / Archivo.
El pleno de la corporación municipal saca adelante dos propuestas del BNG con el voto contrario del gobierno de UxO


El gobierno en minoría de Regos podría quedar bloqueado en cualquier momento


BNG y Partido Popular evidencian la ingobernabilidad de UxO en solitario

El pleno municipal de celebrado ayer jueves en la Casa do Concello dio ayer las primeras muestras de la gran debilidad y falta de apoyo del gobierno de Manuel Regos en solitario al no poder bloquear dos propuestas del BNG. El grupo nacionalista consiguió sacar adelante, con el apoyo de los votos del Partido Popular y CideGa, dos importantes mociones. La primera, instando una reforma del reglamento orgánico del Concello de Ordes que impida, entre otras, que los concejales que abandonen su grupo municipal para incorporarse a otros -conocido coloquialmente como transfuguismo- puedan verse beneficiados de derechos políticos o económicos. El gobierno de Unión por Ordes fue completamente incapaz de bloquear el consenso entre BNG, PP y CideGa y se quedó solo en el voto en contra de la moción. El PSdG-PSOE, a través de Xesús Pedreira, se abstuvo.

Respecto a la segunda, el BNG a través de su portavoz, Gonzalo Castro, solicitaba una auditoría externa de las cuentas del Concello de Ordes. Pese al informe que el secretario y el interventor municipal  presentaron alegando la incompetencia del pleno en la decisión de contratar una auditoría externa, lo cierto es que finalmente la moción salió adelante con los votos favorables de BNG, PP y CideGa frente a los en contra de UxO y la abstención del PSdG-PSOE.

También el pleno aprobó por unanimidad la moción presentada por Xesús Pedreira por la que se instará a la Xunta de Galicia a que firmen convenios con esta Administración con el objetivo de que se incluya una dotación económica para la protección de núcleos rurales y la realización de tratamientos preventivos en vías y caminos de titularidad municipal frente a los fuegos forestales. También se instará a la Xunta de Galicia a solicitar la reapertura de la caseta de vigilancia de Río de Sol, ubicada en Tordoia.

También se aprobó por unanimidad otra moción socialista por la cual se instará a la Consellería de Medio Ambiente, Territorio e Infraestruturas de la Xunta de Galicia a que resuelva los problemas de circulación de la carretera comarcal AC413 Ordes-Carballo.


Presupuestos 2012
Así las cosas, el concello de Ordes con un gobierno en minoría de los siete concejales de UxO podría encontrarse durante la legislatura con muy serias dificultades de poder ejecutar su programa electoral de mantenerse en solitario sin el apoyo de otros grupos municipales. Lo que cabría preguntarse ahora es qué hubiera pasado si ayer hubiera tenido lugar el debate de aprobación del presupuesto municipal 2012. De afrontarse a ese examen, que tendrá ocasión a lo largo del último trimestre de este año y extrapolando los resultados de ayer, Manuel Regos no podría aprobar su presupuesto lo que imposibilitaría, en buena medida, ejecutar su programa de gobierno. En consecuencia, el Concello de Ordes estaría gobernado, de facto, por la oposición.

*

Ordessiete abre as súas noticias aos comentarios dos lectores

Convidamos a todos a debatir a actualidade do noso concello nas nosas noticias


Os comentario poderán ser anónimos ou baixo nome ou seudónimo 

A partir de hoxe, os lectores de Ordessiete poderán participar libremente nas noticias publicadas neste blogue a través de comentarios. Estas intervencións poderán ser anónimas ou escritas baixo nome ou seudónimo.

*  

miércoles, 27 de julio de 2011

Orde do día pleno de mañá xoves 28 de xullo

Orde do día do pleno que terá lugar mañá xoves 28 de xullo ás 20:00 horas na sala de plenos da Casa do Concello de Ordes.
 
ORDE DO DÍA
 
PUNTO PRIMEIRO: APROBACIÓN, SE PROCEDE, ACTA DA SESIÓN ANTERIOR
PUNTO SEGUNDO: INFORMES DA ALCALDÍA
PUNTO TERCEIRO: APROBACIÓN INICIAL, SE PROCEDE, ALTERACIÓN CALIFICACIÓN XURÍDICA CAMIÑO PÚBLICO QUE DISCORRE ENTRE A FINCA REFERENCIA CATASTRAL: 15060A504000140000LZ E FINCA DE REFERENCIA CATASTRAL: 15060A513012310000LH DO CATASTRO DE RÚSTICA.
PUNTO CUARTO: DAR CONTA DAS RESOLUCIÓNS E DECRETOS DA ALCALDÍA.
PUNTO QUINTO: MOCIÓNS
PUNTO SEXTO: ROGOS E PREGUNTAS

Castro pedirá auditar as contas do Concello

Reclama que unha empresa externa elabore un informe sobre a situación económica municipal

A obxectividade da auditoría estaría garantizada por unha comisión de seguimento 

O portavoz municipal do BNG de Ordes, Gonzalo Castro, anunciou hoxe que a súa formación política proporá a realización dunha auditoría externa sobre a situación económica do Concello de Ordes, coa creación dunha comisión de seguimento dos traballos da citada auditoría, que contará coa participación de todos os grupos municipais. Está proposta será debatida no pleno que terá lugar mañá xoves, ás 20:00 horas.

Castro manifestou que “os veciños e veciñas de Ordes deben coñecer cal é a situación económica real do Concello de Ordes, con absoluta transparencia, de aí que propoñiamos a contratación, por parte do pleno da corporación municipal, dunha auditoría económica externa”.

Comisión de seguimento
O portavoz do BNG salientou que “para garantir que os traballos de auditoría se realizan con total obxectividade, propoñemos a creación dunha comisión de seguimento, coa participación dun membro de cada grupo político con representación na corporación, que será a encargada de supervisar a realización de auditoría e de realizar un informe coas conclusións da mesma para a súa aprobación por parte do Pleno”.

Castro xustificou esta proposta debido a que “hai que poñer freo á xestión absolutamente caótica e irresponsábel do alcalde, que ten colocado ao concello nunha situación crítica, debido ao destrago de recursos públicos, cun aumento da débeda até os nove millóns de euros, que sigue a impedir atender o pago das débedas cos proveedores, ocasionando un grave quebranto económico aos autónomos e ás empresas do noso Concello”. 

*

Pedreira denuncia o abandono das políticas de prevención de lumes no rural ordense

Xesús Pedreira, do PSOE de Ordes // Arq.

O concelleiro socialista reclama un convenio coa Xunta de Galicia que posibilite eliminar riscos coma o acontecido fai uns días á beira da piscina cuberta

Pide tamén a apertura da caseta de vixianza de Tordoia 

O concelleiro socialista Xesús Pedreira explicou hoxe que solicitará mañá xoves ao pleno municipal a adopción dun acordo para instar ao Concello de Ordes a que solicite a sinatura urxente dun convenio de colaboración coa Xunta de Galicia para garantir a protección e a seguridade fronte aos lumes dos veciños dos núcleos rurais ordenses. Pedreira denuncia que nos últimos dous anos “a Xunta só fai convenios para o desbroce das vías municipais, que non só non cubren o custe dos traballos senón que deixan sen convenio aos núcleos rurais”.

O concelleiro considera que esta situación é un risco para os veciños de Ordes e para os seus bens, “como ben se demostrou hai uns días nun incendio acontecido á beira da piscina municipal cuberta, na que os veciños e os seus bens quedaron expostos ao lume”. O concelleiro socialista denuncia os recortes en materia de xestión forestal e de prevención de incendios por parte da Xunta, que acada os 22 millóns de euros nos exercicios 2010 e 2011 e que supuxo “o abandono das políticas de ordenación forestal e de prevención de incendios para o rural de Ordes”.

Apertura da caseta de vixianza
Polo tanto, os socialistas ordenses esixen a sinatura urxente dun convenio de colaboración co Concello de Ordes que inclúe unha dotación económica para a protección dos núcleos rurais e a realización de tratamentos preventivos en vías e camiños de titularidade municipal. Asimesmo, solicitan a apertura da caseta de vixianza do Distrito 3 de incendios forestais de Río do Sol, ubicada no veciño concello de Tordoia.

“Esta caseta é moi importante para a detección dos lumes no municipio de Ordes e limítrofes, xa que as outras casetas deste distrito non vén os lumes no concello de Ordes e iso fai que cando se dean as alarmas xa os incendios sexan de difícil control”, explica Xesús Pedreira. Finalmente, os socialistas tamén instarán á Deputación Provincial a que tome as accións precisas para controlar as faixas de xestión da biomasa vexetal ao longo da rede viaria provincial en Ordes para garantir a seguridade fronte aos lumes forestais.

Cruce na CL-4130 Ordes-Carballo
Por outra banda, o concelleiro socialista presentará tamén na sesión plenaria de mañá unha moción para instar á Consellería de Medio Ambiente, Territorio e Infraestruturas a que resolva os problemas de circulación ocasionados aos veciños de Castenda e Cestaños como consecuencia da remodelación realizada pola Xunta á altura do quilómetro 14,300 da estrada comarcal CL-4130 Ordes-Carballo. Unhas obras que anularon o antigo cruce da CL-4130 coa pista de circulación Castenda-Cestaños.

Xesús Pedreira explica que a eliminación deste cruce fai que os veciños de Castenda e Cestaño teñan que desviarse por unhas pistas moi estreita que “no caso de conducir un tractor articulado fan inevitable invadir o sentido de circulación oposto para a súa incorporación á CL-4130, pois esta pista remata en pico de frauta e supón un grave risco para a integridade física destes veciños”. Por iso, o concelleiro socialista solicitará a elaboración dun estudio técnico que permita dar unha solución de garantías para estes veciños.

Segue aberto o prazo de inscrición para os cursos de natación


Preto dun cento de nenos e nenas ordenses participan ata o vindeiro venres na primeira quenda destes cursos na piscina 


Preto dun cento de rapaces ordenses están a participar durante este mes de xullo na primeira das quendas dos cursos de natación que se celebran na piscina municipal de O Muíño e que rematará o vindeiro venres. A estes cursos seguirá durante o mes de agosto unha nova quenda para a que todavía está aberto o prazo de inscrición. Todos aqueles que estean interesados en participar nestes cursiños o vindeiro mes, poden realizar todavía a súa inscrición no departamento de Cultura e Deportes do Concello.

Os prezos destes cursos, que se desenvolverán durante as mañás, serán de 12,55 euros ao mes para os nenos e nenas de 3 a 15 anos, e de 18,80 euros ao mes para os participantes de 16 anos en diante.
Para que se leven a cabo os cursos deberá xuntarse un grupo mínimo de 15 persoas.

Ata o 15 de setembro
Por outra banda, as instalacións da piscina municipal de O Muíño permanecerán abertas ata o vindeiro 15 de setembro todos os días de 11:00 a 21:00 horas. En canto aos prezos das entradas, os abonos para toda a tempada, que todavía se poden solicitar no departamento de Cultura e Deporte do Concello, son de 6,27 euros para os nenos de 3 a 15 anos, e de 12,54 euros para os aboados de 16 anos en diante.
As entradas puntuais para as persoas que non conten co abono da tempada, será de 0,65 euros ao día para os nenos de 3 a 15 anos, e de 1,25 euros ao día para as persoas de 16 anos en diante.

Como en anos anteriores as instalacións contan cun servizo de bibliopiscina para que os usuarios poidan, ademais de disfrutar da piscina, empregar este tempo de ocio tamén á lectura de libros para todos os gustos e idades, así como de xornais.

*

martes, 26 de julio de 2011

Castro proporá no pleno este xoves un documento antitránsfugas

Tratará de evitar que os concelleiros que abandonen o seu grupo municipal poidan obter beneficios económicos e políticos

O portavoz municipal do BNG de Ordes, Gonzalo Castro, anunciou hoxe que a súa formación política defenderá no pleno ,que se celebrará este xoves, ás 20:00 horas, unha reforma do regulamento orgánico do Concello de Ordes co obxectivo de evitar que os concelleiros tránsfugas poidan obter beneficios económicos e políticos polo abandono do seu grupo político.

Gonzalo Castro manifestou que “o actual regulamento orgánico do Concello, que foi impulsado polo actual alcalde, permite a existencia de situacións nas que os tránsfugas poden ver incrementadas as súas percepcións económicas e os seus dereitos políticos con respecto aos que tiñan cando estaban no seu grupo político”.

O portavoz do BNG lembrou que “o pacto antitransfuguismo, asinado por todos os partidos políticos, estabelece que os dereitos económicos e políticos dos concelleiros tránsfugas non poderán ser superiores aos que lles corresponderían de permanecer no seu grupo político, mais o alcalde de Ordes, facendo oídos sordos a ese pacto, aprobou un regulamento orgánico que segue a permitir que o tránsfuga poida beneficiarse da súa situación”.

Prohibido gañar máis 
Castro anunciou que a proposta do BNG para a reforma do Regulamento Orgánico estabelecerá “a prohibición de que os concelleiros que abandonen o seu grupo político poidan ver mellorados os seus dereitos económicos e políticos”.

*

O mercado agrario do Mesón do Vento acolle un curso de motoserrista


Participan 15 alumnos do Centro Penitenciario de Teixeiro

Organizado pola Fundación Érguete- Integración dentro do programa Reincorpora a través dun convenio entre a Obra Social La Caixa e Instituciones Penitenciarias


A Fundación Érguete-Integración deu comenzo hoxe no mercado agrario comarcal de Mesón do Vento a un curso de motoserrista dentro do Programa Reincorpora, (Convenio entre Obra Social “La Caixa” e Instituciones Penitenciarias), para a inserción laboral de persoas privadas de liberdade, en concreto con 15 alumnos/as do Centro Penitenciario de Teixeiro (Curtis).

Centro homologado
O Concello de Ordes colabora nestas acccións sociais poñendo a disposición destas entidades un centro homologado pola Consellería de Traballo e Benestar  para a formación, o mercado agrario comarcal, recinto no que ten lugar este curso. Esta iniciativa consta de 280 horas lectivas e desenvolverase ata o vindeiro 5 de outubro, en horario de 09:30 a 15:30 horas.

Ao finalizar o período de formación, os/as alumnos/as que o superen satisfactoriamente recibirán un certificado da entidade impartidora, Arbogal, especificando o programa do curso, contidos teóricos e prácticos.

*

viernes, 22 de julio de 2011

Viva o verán cultural!


Todo preparado dende o 30 de xullo ao 19 de agosto para un amplo abano de actividades que inclúe música, humor, títeres, maxia e teatro para todos os públicos
 
Ordes ten preparado un amplo programa de actividades enmarcadas dentro do “Verán Cultural” que cada ano se prepara con motivo desta época estival. Unhas actividades que incluirán música, humor, títeres, maxia e teatro para todas as idades.

O escenario elexido para a maior parte destes espectáculos será, como vén sendo habitual, a Alameda de Ordes, en pleno centro urbán, aínda que en caso de choiva as que estean programadas ao aire libre trasladaranse á Casa da Cultura. As actividades darán comenzo o vindeiro día 30 de xullo e prolongaranse ata o 19 de agosto, incluíndo ademais a celebración das festas patronais da vila do 14 ao 17 de agosto, e o Festival Brincadeira os días 11, 12 e 13 de agosto.

Programa de actividades
 - Sábado 30 de xullo: Certame de Corais ás 21:00 horas na Casa da Cultura
- Domingo 31 de xullo: Espectáculo de clown Trasno ás 20:00 horas na Alameda.
- Luns 1 de agosto: Espectáculo de maxia co mago Cayetano Lledó ás 20:00 horas na Alameda.
- Martes 2 de agosto: Teatro Infantil “Ringo Rango” ás 20:00 horas na Alameda.
- Mércores 3 de agosto: Noite de Folk “Matamá Ensemble” ás 21:30 horas na Alameda de Ordes.
- Xoves 4 de agosto: Títeres As Aventuras de Polichinela con “O espello de Francisquiña” ás 20:00 horas na Alameda.
- Venres 5 de agosto: Festival de Curtas Cinestable ás 19:00 horas na Casa da Cultura.
- Sábado 6 de agosto: Certame de Bandas ás 20:00 horas na Alameda.
- Domingo 7 de agosto: Día da Muiñeira ás 20:00 horas na Alameda.
- Luns 8 de agosto: Espectáculo de maxia co Mago Teto “O afiador” ás 20:00 horas na Alameda.
- Martes 9 de agosto: Día do Neno con inchables, obradoiros, animación e festa da espuma no campo da feira a partir das 17:00 horas.
- Mércores 10 de agosto: Clown “Viaxes” ás 20:00 horas na Alameda.
- Xoves 11 de agosto: Títeres As Aventuras de Polichinela con “Titor de Pierrot” ás 20:00 horas na Alameda.

Ademais comenza o Festival Brincadeira.
- Venres 12 de agosto: Festival Brincadeira.
- Sábado 13 de agosto: Festival Brincadeira.
- Domingo 14 de agosto: Festas patronais da vila de Ordes
- Lunes 15 de agosto: Festas patronais da vila de Ordes.
- Martes 16 de agosto: Festas patronais da vila de Ordes.
- Mércores 17 de agosto: Festas patronais da vila de Ordes.
- Xoves 18 de agosto: Teatro infantil “A lenda do Frautista Máxico” ás 20:00 horas na Casa da Cultura.
- Venres 19 de agosto: Teatro afeccionado de Ordes “Só pasa unha vez na vida” ás 21:30 horas na Casa da Cultura.

*

Os peregrinos toman Ordes

O Camiño Inglés a Compostela atravesa a parroquia ordense de Buscás.

Os polideportivos ordenses albergaron a centos deles no que vai de ano

Chegados de diferentes partes de Galicia, e sobre todo, do resto de España e do extranxeiro


Ordes, municipio polo que pasa unha das rutas do Camiño de Santiago, recibiu no que vai deste ano a centos de peregrinos, que en moitos dos casos pasaron a noite nalgún dos polideportivos que o Concello de Ordes pon a disposición dos camiñantes.

Así, dende o pasado mes de abril, os pavillóns polideportivos ordenses, albergaron arredor de 300 peregrinos, que ou ben en grupo ou ben sós elixiron facer o Camiño Inglés para peregrinar a Santiago de Compostela.

Uns peregrinos que veñen de diferentes partes tanto de Galicia como do resto de EspañaAsí, no mes de abril, pasaron por Ordes un grupo de 40 persoas do colexio Compañía de María de Santiago e outro grupo de 70 persoas chegados dende Porto en Portugal. No mes de xullo tamén pernoctaron nos polideportivos do municipio medio cento de rapaces e adultos do colexio Santa Victoria de Córdoba, e outras 50 persoas do colexio San Ignacio de San Sebastián. A estes grandes grupos sumáronse ademais peregrinos que ben en solitario ou en grupos máis pequenos tamén escolleron Ordes como unha das súas paradas nesta ruta xacobea, así como aqueles que aínda que non pernoctaron pasaron polo municipio.

Chegarán máis en agosto
De cara ao vindeiro mes de agosto está prevista xa a chegada doutros dous grupos de peregrinos, un composto por 30 persoas do colexio Santa Victoria de Córdoba que repite experiencia, e outro da Fundación Marcha Universal de Santiago.

Para todos os peregrinos que o soliciten previamente, o Concello de Ordes pon á súa disposición para pasar a noite dous pavillóns polideportivos, o pavillón de Mesón do Vento e o pavillón Castelao.

*

miércoles, 20 de julio de 2011

Derradeira das charlas antialcol


Terá lugar mañá xoves ás 19:30 horas na Casa da Cultura


O Concello de Ordes celebrará mañá xoves 21 de xullo a derradeira das charlas enmarcadas dentro do programa Faro de prevención do alcol que leva a cabo o Concello e que está financiada pola Deputación da Coruña.

Nesta ocasión a charla tratará sobre os contidos da Lei de prevención do consumo de bebidas alcólicas en menores de idade. Charla que impartirá José Ignacio Vázquez Rodríguez, psicólogo experto en drogodependencias, e que se celebrará ás 19:30 horas na Casa da Cultura.

Colectivos afectados 
Estas charlas promovidas polo Concello de Ordes a través do programa Faro están dirixidas á poboación en xeral, e especialmente, a colectivos afectados ou en risco de estalo, familias e profesionais que traballan no ámbito desta problemática. Dende o Concello animan aos veciños e veciñas a que participen nesta actividade.

Os interesados en recibir máis información poden facelo no departamento de Servizos Sociais do Concello de Ordes ou chamando ao 981680002.

*

lunes, 18 de julio de 2011

Todo listo para a XIX Feira de cans de Caza de Mesón do Vento

O domingo 31 de xullo será o día grande con exposición e exhibición de cans e degustación gratuíta de caza nos establecementos hosteleiros da zona


Un ano máis Ordes terá como protagonistas aos cans de caza coa celebración da xa tradicional Feira de Cans de Caza que vai xa pola súa décimo novena edición e que organiza o Concello coa colaboración da Asociación Feira de Cans Amigos de Ardemil. Nesta ocasión a feira terá lugar os vindeiros días 30 e 31 de xullo no recinto feiral de Mesón do Vento.

En canto ao programa festivo, o sábado 30 celebrarase o VII campionato de rastro na modalidade de xabarín, así como a final do campionato de caza de perdiz con can.

O domingo, día grande
O día grande será o domingo 31 no que se celebrará a feira de cans de caza con exposición de camadas no recinto feiral. Ademais tamén haberá una exhibición de cans de mostra da campiona de España de San Huberto, Ana Isabel Arbiol. Entregaranse tamén grandes premios aos mellores cans e aos gañadores dos campionatos do sábado. Ademais, tamén na xornada do domingo, os establecementos hosteleiros da zona ofrecerán una degustación gratuíta de caza.

Para os que queiran participar, as inscricións e reservas de gaiolas poden facerse no teléfono 689550728.

jueves, 14 de julio de 2011

Prepárate para doar sangue o luns e martes

A Unidade Móbil do Centro de Tranfusión de Galicia estará detrás da Casa do Concello os vindeiros días 18 e 19 de xullo

Galicia necesitará 500 doazóns diarias durante este verán 2011


O Concello de Ordes e o Centro de Transfusión de Galicia (CTG) impulsan unha iniciativa que ten como obxectivo promover a participación dos veciños nas campañas de doazón de sangue e, deste xeito garantir o correcto desenvolvemento do labor asistencial nos centros sanitarios galegos, que van precisar preto de 30.000 doazóns de sangue nos meses de verán para cubrir todas as necesidades.

As persoas que desexen participar poderán acudir á unidade móbil do Centro de Transfusión de Galicia que estará instalada detrás da Casa do Concello de Ordes os vindeiros días luns 18 e martes 19 de xullo. O horario de atención será de 10:00 a 14:00 horas e de 16:00 a 21:00 horas.

Compartir a nosa saúde
Mediante esta iniciativa que se está a desenvolver este verán preténdese mellorar a información sobre este acto altruísta, para que a participación solidaria dos veciños de Ordes chegue aos hospitais co obxectivo de compartir a nosa saúde e salvar vidas.

O pasado ano 2010 houbo 841 doazóns no municipio ordense, polo que o alcalde Manuel Regos anima aos veciños a que nesta ocasión se incremente a participación para que Ordes continúe sendo un dos concellos máis solidarios de Galicia.

*

miércoles, 13 de julio de 2011

Manuel Regos, presidente por unanimidade

Os membros do pleno da Mancomunidade con Manuel Regos de presidente, no centro.

O alcalde de Ordes asume a presidencia da Mancomunidade de Municipios da Comarca de Ordes

Regos: "Para os concellos nestes momentos é fundamental mancomunar servizos para superar a situación de crise económica xeral”

O pleno constituínte da Mancomunidade de Municipios de Ordes celebrado esta mañá acordou por unanimidade nomear a Manuel Regos Boquete como novo presidente da entidade e aos sete alcaldes da comarca como membros de pleno dereito do pleno, tal e como se acordou nos plenos municipais dos seus respectivos concellos. Deste xeito, o pleno da Mancomunidade queda composto por: Manuel Regos Boquete (presidente e alcalde de Ordes), Xosé García Liñares (Cerceda), Miguel Prado Patiño (Frades), Mariano Iglesias Castro (Mesía), Manuel Mirás Franqueira (Oroso), Antonio Pereiro Liñares (Tordoia) e Xosé Dafonte Varela (Trazo).

Manuel Regos toma así o relevo de Miguel Prado Patiño, quen anunciara durante a súa toma de posesión como alcalde de Frades que renunciaba a calqueroutro cargo que non fose a alcaldía fradense. Un nomeamento que é efectivo dende hoxe e polos próximos catro anos.

Mancomunar servizos
Manuel Regos agradeceu o apoio e a confianza amosados polos alcaldes da comarca de Ordes e asegurou que “para os concellos nestes momentos é fundamental mancomunar servizos para superar a situación de crise económica xeral”. Por iso, Regos Boquete anuncia xa unha reunión o vindeiro mes de setembro “para traballar en temas concretos e poder levar a cabo medidas importantes mancomunadas”.

“Hoxe falamos en xeral”, explica o novo presidente da Mancomunidade de Ordes, “pero quedou patente que todos os alcaldes estamos dispostos a mancomunar servizos para que sexan máis rentables e operativos. Estamos falando dunha das mancomunidades máis antigas que existen e o que pretendemos é seguir ofrecendo servizos a menor coste polo ben de todos os nosos veciños e veciñas”.

Neste sentido, Regos Boquete agradece especialmente “o compromiso e a disposición amosada hoxe por todos os alcaldes da comarca de Ordes, que están dispostos a intentar que todo isto se leve adiante e a mancomunar o maior número de servizos posible para superar estes tempos de crise”. Uns servizos que se determinarán na vindeira reunión plenaria da Mancomunidade de Municipios de Ordes, que terá lugar en setembro.

Traslado da sede
O pleno constituínte de hoxe tivo lugar nos baixos da Alameda de Ordes, que se converterá na sede de todos os servizos que ofrece a Mancomunidade de Municipios de Ordes e que actualmente estaban espallados por varios inmobles como o Concello de Ordes ou o centro comarcal ordense. Manuel Regos Boquete explica que “dentro da reforma de espazos que estamos levando a cabo en Ordes co gallo da posta en servizo da ampliación da Casa do Concello, imos destinar todos os servizos e persoal da Mancomunidade aos baixos da Alameda para que teñan un espazo común de traballo e gañen en operatividade”.

O traslado ás novas dependencias nos baixos da Alameda de Ordes terá lugar ao longo das vindeiras semanas, xa que aló será preciso aloxar non só as dependencias administrativas da Mancomunidade, senón tamén o servizo de atención psicolóxica ou o propio Centro de Información á Muller.

*

O Concello celebra mañá unha charla sobre alcol e conducción

Enmarcada dentro do programa Faro de prevención do alcoholismo, terá lugar o ás 19:30 horas na Casa da Cultura


O Concello de Ordes ten previsto celebrar mañá xoves unha charla enmarcada dentro do programa Faro de prevención do alcol, un programa municipal que vai xa pola súa segunda edición.

Nesta ocasión a charla tratará sobre alcol e conducción e terá lugar ás 19:30 horas na Casa da Cultura do municipio. O encargado de impartir a charla será José Ignacio Vázquez Rodríguez, psicólogo experto en drogodependencias.

Alcol e menores
A esta charla sumarase outra máis que terá lugar o vindeiro 21 de xullo e que neste caso versará sobre a Lei de prevención do consumo de bebidas alcólicas en menores de idade. Charla que tamén impartirá José Ignacio Vázquez Rodríguez, psicólogo experto en drogodependencias, e que se celebrará ás 19:30 horas na Casa da Cultura.

Estas charlas están dirixidas á poboación en xeral, e especialmente a colectivos afectados ou en risco de estalo, familias e profesionais que traballan no ámbito desta problemática. 

Os interesados en recibir máis información poden facelo no departamento de Servizos Sociais do Concello de Ordes ou chamando ao teléfono 981680002.

*

martes, 12 de julio de 2011

Castro denuncia o veto de Regos á emisión do último pleno por Radio Ordes

Gonzalo Castro, portavoz municipal do BNG de Ordes / Arq.

Castro: "O alcalde pretendeu ocultar aos veciños que tivo que retirar do pleno os soldos do Goberno pola presentación dunha enmenda do BNG"


O portavoz do BNG de Ordes, Gonzalo Castro, acusou esta semana ao alcalde Manuel Regos, “de ordear a non emisión do pleno de organización celebrado o pasado martes”.

Segundo o concelleiro nacionalista, “coa falta de emisión por parte da radio municipal do último pleno, o alcalde pretendeu ocultar aos veciños e veciñas de Ordes que se viu na obriga de retirar do pleno a súa proposta de dedicacións para o goberno municipal, debido á presentación dunha emenda polo BNG, que propoñía a aprobación só da dedicación exclusiva do alcalde, e que contaba co respaldo de todos os grupos políticos da oposición”.

Castro lembrou que esta emenda dos nacionalistas que propoñía a  aprobación só da dedicación exclusiva do alcalde reducía significativamente a proposta do alcalde, que constaba de dúas dedicacións exclusivas, unha para o alcalde, cunha contía de 43.000 euros anuais e outra para o concelleiro de Obras e Urbanismo, cunha contía de 29.000 euros anuais, así como unha dedicación parcial, cunha contía de 16.220 euros anuais.

O portavoz do BNG considerou que “a actitude do alcalde ordeando a non retransmisión do Pleno pola radio municipal constitue un desprecio e unha burla aos veciños de Ordes, e unha mostra do seu talante despótico e antidemocrático, ao privar aos veciños e veciñas de Ordes dunha información especialmente relevante”.

As frases de Gonzalo Castro, portavoz municipal do BNG de Ordes
“De forma intolerábel, o alcalde pretendeu evitar que os portavoces municipais se enterasen da non retransmisión do Pleno, xa que os técnicos encargados da emisión da radio municipal estaban presentes no pleno e instalaron todos os micrófonos para a súa emisión, que foron utilizados polos portavoces municipais con total normalidadedurante o Pleno, cando o certo é que en lugar do pleno pola radio municipal estaba a emitirse unha gravación musical”.

"Emplazamos ao goberno de Ordes a realizar unha reflexión e entender que o diálogo e o consenso deben presidir a vida política de Ordes, porque así o quixeron os seus veciños e veciñas, e o BNG sempre participará responsablemente do dialogo e dos consensos en beneficio dos veciños e veciñas de Ordes” 

*

Preto dunha vintena de nenos participan xa no curso de vela


A Deputación fixo entrega ao Concello de Ordes dunha embarcación tipo Omega para a promoción da vela 

Preto dunha vintena de rapaces e rapazas de toda a comarca comenzaron hoxe un curso de vela no embalse de Vilagudín. Un curso enmarcado dentro da campaña de vela que promove a Deputación da Coruña.

O curso que deu comenzo hoxe prolongarase ata o vindeiro día 15 deste mes. Os participantes recibirán clases sobre este deporte náutico con actividades de iniciación aos conceptos teóricos da navegación a vela, iniciación ao coñecemento básico dos nós mariños e a realización de prácticas de navegación a vela.

Ao acto de inicio deste curso asistiron os edís do Concello de Ordes, Silvia Marín, José Ramón Vázquez Raña e Roberto Iglesias que recibiron unha embarcación tipo Omega que fixo entrega a Deputación ao Concello para a promoción da vela no municipio.

*

sábado, 9 de julio de 2011

Parada, en festas

Desempregadas ordenses participan nun curso de atención sociosanitaria


Promovido polo Concello, o curso celébrase no Mercado Agrario Comarcal de Mesón do Vento ata o vindeiro mes de novembro


O Concello de Ordes deu comenzo esta semana a un curso dirixido a desempregados do municipio. Nesta ocasión trátase dun curso de atención sociosanitaria a persoas dependentes no domicilio que se está a celebrar no Mercado Agrario Comarcal de Mesón do Vento e que está subvencionado polo Fondo Social Europeo e a Consellería de Traballo e Benestar da Xunta de Galicia.

Certificado de profesionalidade
En total son 15 as persoas desempregadas que están a participar neste curso, todas elas mulleres. O curso consta de 628 horas lectivas e prácticas non laborais e desenvolverase ata o vindeiro 22 de novembro de 2011. Outro dos puntos importantes deste curso é que dá acceso directo ao certificado de profesionalidade que será obrigatorio para traballar na empresa privada e na pública a partir de 2012.

*

miércoles, 6 de julio de 2011

A Mancomunidade oferta un curso de habilidades sociais para persoas con discapacidade

Pretende potenciar a súa autonomía e terá lugar todos os días laborais entre setembro e febreiro, en horario de 09:30 a 13:30 horas


A Mancomunidade de Municipios da Comarca de Ordes vén de abrir o prazo de solicitude para o Curso de Habilidades Sociais para Persoas con Discapacidade da comarca ordense. Un curso no que poderán participar 25 persoas cunha discapacidade igual ou superior ao 33% e que pertenzan aos municipios de Cerceda, Frades, Mesía, Ordes, Oroso, Tordoia ou Trazo.

O curso, totalmente gratuíto, impartirase entre o 1 de setembro de 2011 e o último día de febreiro de 2012 nunha aula adaptada situada no Mesón do Vento. As clases terán lugar de luns a venres, en horario de 9:30 a 13:30 horas.

Maior autonomía
Con este curso, a Mancomunidade de Municipios da Comarca de Ordes pretende potenciar a autonomía das persoas con discapacidade. Para iso, están programadas distintas actividades e obradoiros como: alfabetización de adultos, motricidade, obradoiros de traballos manuais e reciclaxe, clases de cociña e tarefas do fogar, obradoiros de atención e memoria, etc.

As persoas interesadas en participar poden anotarse nos Concellos de Cerceda, Frades, Mesía, Ordes, Oroso, Tordoia ou Trazo antes do 28 de xullo. As prazas outorgaranse por rigorosa orde de inscrición ata completar as 25 prazas. Posteriormente elaborarase unha lista de espera por se houbese algunha baixa imprevista.

*

martes, 5 de julio de 2011

O alcalde retira as mocións das dedicacións exclusivas e dos soldos

Momento do pleno municipal de esta tarde que rexistrou unha alta participación de veciños.
Non se sabe aínda se o alcalde cobrará ou non e canto, pero si que os concelleiros cobrarán 150 euros por cada asistencia ao pleno

Silvia Marín xa é a primeira tenente de alcalde

En apenas 45 minutos despachouse o primeiro pleno da corporación municipal saída das eleccións do 22 de maio. Un pleno que tivo como protagonista ás mocións retiradas polo alcalde Manuel Regos e que en consecuencia non foron debatidas. Así, non se coñece polo de agora nin o número de dedicacións exclusivas nin os soldos que estes concelleiros poideran ter.  

Plenos: xoves ás 20:00 horas
O primeiro dos puntos aprobados foi o de fixar a periodicidade das sesións do pleno, sesións que se acordou celebrar os últimos xoves de cada mes ás 20:00 horas, trala aprobación por unanimidade dunha enmenda presentada polo PP, xa que a proposta da alcaldía propoñíaos para os martes ás 19:30 horas aínda que finalmente todos os grupos apoiaron a proposta popular.

Catro comisións informativas
Tamén se aprobou a creación de catro comisións informativas, unha de Contas e Facenda, outra de Urbanismo, Obras e outros, unha terceira de Persoal, Servizos, Réxime Interior, Seguridade Cidadá, Tráfico, Medio Ambiente e Medio Rural; e por último a comisión de Educación, Discapacidade, Cultura, Xuventude, Deportes, Servizos Sociais, Terceira Idade, Sanidade, Turismo, Industria e Comercio, comisións que estarán integradas cada unha por catro membros de UxO, tres do PP, un do BNG e outro do grupo mixto, que estará formado polo edil do PSdeG- PSOE e a concelleira de CideGa. 

O consello da radio municipal estará tamén composto por dous representantes de UxO, un do PP, un do BNG e outro do grupo mixto.

Órganos colexiados
O pleno aprobou tamén o nomeamento de representantes da corporación en órganos colexiados, nomeando á concelleira Silvia Marín como representante nos diferentes centros educativos do municipio, e como vogal da Mancomunidade de Municipios da Comarca de Ordes ao alcalde, Manuel Regos Boquete.

Asistencia a plenos: 150 euros
Por outra banda acordouse tamén que os concelleiros que non exerzan os seus cargos en réxime de dedicación exclusiva nin dedicación parcial percibirán asistencias pola asistencia ás sesións dos órganos colexiados da Corporación. Así por asistencia aos plenos percibirán 150 euros, pola asistencia á xunta de goberno 190 euros, pola asistencia a comisións informativas 105 euros, e por último outros 105 euros pola asistencia a sesións do consello da radio municipal.

Tenencias de alcaldía
En canto ao nomeamento de tenentes de alcalde, noméanse cinco, a primeira tenente de alcalde será a concelleira Silvia Marín, o segundo Roberto González, o terceiro José Ramón Vázquez Raña, o cuarto José Luis Gómez Candal e o quinto, Roberto Iglesias.

Da orde do día retiráronse dous puntos, o punto relativo á determinación dos cargos que conleven dedicación exclusiva ou parcial e das retribucións dos mesmos; e o relativo á delegación de atribucións do pleno na xunta de goberno local, por falta de acordo. Sobre a primeira moción, que fora presentada polo grupo municipal do BNG, propoñíase só a aprobación de unha dedicación exclusiva para o alcalde de Ordes. Esta emenda dos nacionalistas reduce significativamente a proposta do Goberno Municipal, que constaba de dúas dedicacións exclusivas, unha para o alcalde, cunha contía de 43.000 euros anuais e outra para o concelleiro de obras e urbanismo, cunha contía de 29.000 euros anuais, así como unha dedicación parcial, cunha contía de 16.220 euros anuais.


O portavoz nacionalista, Gonzalo Castro, xustificou a presentación desta proposta manifestando que “desde o BNG consideramos que o Concello de Ordes precisa dun alcalde que se dedique en exclusiva as tarefas de goberno, e do mesmo xeito, atendendo á situación económica, defendemos que se conxele a súa retribución no presente exercicio económico”. 

*




Esta tarde hai pleno extraordinario da corporación

Se debatirá sobre dedicacións exclusivas e a organización das concellerías do goberno

Esta tarde a partires das 19:30 horas terá lugar un pleno extraordinario da corporación municipal co obxectivo de regular a organización do Concello, periodicidade dos plenos, dedicacións absolutas e parciais e outros aspectos de interés.

A asistencia aos plenos municipais na Casa do Concello é libre.

*

A Escola Municipal de Música pechou o curso coa celebración dun festival na Casa da Cultura


Os músicos mostraron todo o aprendido durante o curso 

A Escola Municipal de Música de Ordes pechou un novo curso o pasado venres. Un peche que estivo protagonizado, como vén sendo habitual cada ano, pola celebración dun festival de fin de curso.

O festival tivo lugar o pasado venres na Casa da Cultura ordense, e nel todos os asistentes pudieron disfrutar das actuacións dos alumnos e alumnas da Escola de Música que mostraron desta maneira todo o aprendido durante o curso.

*

O Concello promove un novo ciclo de charlas de prevención do consumo do alcol

Enmarcada no programa Faro, terán lugar os vindeiros 7, 14 e 21 de xullo na Casa da Cultura

O Concello de Ordes organiza un novo ciclo de charlas informativas enmarcadas dentro do programa Faro de prevención no consumo de alcol. Unhas charlas que terán lugar os vindeiros 7, 14 e 21 de xullo e que están dirixidas á poboación en xeral, e especialmente a colectivos afectados ou en risco de estalo, familias e profesionais que traballan no ámbito desta problemática.

Concretamente, a charla do vindeiro xoves día 7 titulada “Que podo facer cando sei que alguén ten problemas de alcol?”, terá lugar ás 11 horas no auditorio da Casa da Cultura e estará impartida por Brígida Arnáiz Carnota, traballadora social da Unidade de Tratamento de Alcoholismo do Complexo Hospitalario Universitario de Santiago.

Alcol e coche
A charla do día 14 de xullo, baixo o título “Alcohol e conducción”, terá lugar ás 19:30 horas sendo o conferenciante José Ignacio Vázquez Rodríguez, psicólogo experto en drogodependencias, que será tamén o encargado de impartir a derradeira das charlas o día 21 de xullo, no mesmo lugar e hora e que versará sobre a Lei de prevención do consumo de bebidas alcohólicas en menores de idade.

Os interesados en recibir máis información poden facelo no departamento de Servizos Sociais do Concello de Ordes ou chamando ao 981680002.

*

Ordes acolle dende onte e ata o vindeiro venres o primeiro Campus de Atletismo


Está organizado polos concellos de Ordes e Cerceda e conta coa colaboración do Clube de Atletismo Ordes e o Clube Atlética A Silva

O acto de clausura contará cunha miniolimpíada


Unha trintena de rapaces e rapazas participan dende onte e ata o vindeiro venres 8 de xullo no primeiro Campus de Atletismo que organizan os concellos de Ordes e Cerceda coa colaboración do Clube de Atletismo de Ordes e o Clube Atlética A Silva.

Un campus que se está a desenvolver nas pistas de atletismo de Ordes situadas na cidade deportiva de Vista AlegreDurante estes días os participantes realizarán carreiras de velocidade, lanzamento de xabalina, disco, peso e xogos de multilanzamentos, saltos de lonxitude e altura, carreiras de resistencia, carreiras de relevos, e como broche final do campus o venres celebrarase unha miniolimpíada con entrega de medallas.

O campus, que pretende achegar aos máis novos ao mundo do atletismo, desenvólvese todas as mañás en horario de 11:00 a 13:00 horas.

*

Entregados os diplomas do cursos de ESO para adultos


Participaron 24 alumnos que poderán acceder ao graduado ESO

O pasado venres día 1 de xullo o Concello de Ordes celebrou o acto de clausura do curso de ESO para adultos celebrado no municipio durante este curso escolar.

Un acto no que se fixo entrega dos diplomas acreditativos aos participantes, e ao que asistiron os edís do goberno local ordense, Silvia Marín, Lucía Iglesias e Roberto Iglesias Calviño.

Neste curso, a través do que se preparou a todos os participantes para a obtención do graduado en ESO, participaron 24 alumnos.

*

sábado, 2 de julio de 2011

Ampliado o prazo de inscrición para o curso de monitor de tempo libre

O prazo permanecerá aberto ata o 8 de xullo na Oficina de Información Xuvenil (OMIX) do Concello


O Concello de Ordes promove un curso de monitor de tempo libre que terá lugar durante os vindeiros meses de verán. Trátase dun curso de carácter intensivo que se celebrará dende o 11 de xullo ao 6 de setembro de luns a venres en horario de 09:00 a 14 horas.

O curso, homologado pola Xunta de Galicia, constará de 200 horas teóricas e 150 horas prácticas. O prezo de inscrición é de 150 euros ao que se suman dúas mensualidades de 50 euros.

Ata o 8 de xullo
O prazo para inscribirse ampliouse, polo que todos aqueles que estean interesados en participar poderán realizar a súa inscrición ata o vindeiro 8 de xullo na Oficina de Información Xuvenil- OMIX de Ordes, situada na planta baixa da Casa do Concello. Tamén se pode recibir máis información chamando ao teléfono 981680002.

Rematado o curso de manipulación de alimentos


Participaron preto dunha vintena de veciños na charla informativa de tres horas 


Ordes acolleu onte 30 de xuño a celebración dun curso de manipulador de alimentos. Un curso no que participaron 19 alumnos e que tivo lugar de 16:00 a 19:00 horas na sala de conferencias do Punto de Encontro de Ordes, situado nos baixos da Alameda.

O curso consistiu nunha charla informativa de tres horas presenciais nas que se trataron aspectos prácticos sobre a seguridade alimentaria, a manipulación de alimentos e as normas mínimas a cumprir na industria alimentaria.

Industria alimentaria 
Trátase dun curso obrigatorio para todas aquelas persoas que traballen no sector da industria alimentaria: panadeiros, camareiros, cociñeiros, dependentes de conxelados, charcuterías, persoal de supermercados, repartidores, traballadores de queixerías, persoal de guarderías, comedores de colexios, persoal de residencia de anciáns,  e outros, de aí a súa importancia de cara a conseguir un traballo.

*